ისრაელში, ღაზას სექტორის მახლობლად მდებარე 20-ზე მეტი დასახლებული პუნქტიდან მოსახლეობის ევაკუაცია მიმდინარეობს. აღნიშნულ ინფორმაციას CNN ავრცელებს.

როგორც მედია წერს, ქვეყნის თავდაცვის ძალების წარმომადგენლებს ადგილობრივები სახლებიდან, "ჰამასიდან" მომდინარე საფრთხისა და ღაზას სექტორზე ისრაელის მოსალოდნელი თავდასხმის გამო გაჰყავთ.

CNN-ს თავდაცვის ძალების სპიკერმა განუცხადა, რომ "ჰამასის" თავდასხმის საპასუხოდ, ისრაელი ღაზაზე მძიმე იერიშს გეგმავს.

შეგახსენებთ, დღეს, 8 ოქტომბერს ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა.

მანამდე კი, ქვეყანამ არაერთი იერიში განახორციელა ღაზას სექტორში "ჰამასის" ობიექტებზე მას შემდეგ, რაც ისლამისტურმა დაჯგუფებამ 7 ოქტომბერს, ისრაელის სამხრეთში მოულოდნელი სარაკეტო და სახმელეთო იერიში წამოიწყო.

ისრაელს ლიბანის ტერიტორიიდან ცეცხლი გაუხსნა "ჰეზბოლამაც", რასაც ქვეყანამ საარტილერიო იერიშით უპასუხა.

ისრაელსა და ღაზას სექტორში შეტაკებებს ასობით ადამიანის სიცოცხლე ემსხვერპლა.

ავტორი: ექსპრესნიუსი,

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის