ისრაელის საჰაერო ძალების ცნობით, მისი სამხედრო თვითმფრინავები თავს დაესხნენ "ტერორისტული ორგანიზაცია ჰამასის დაზვერვის განყოფილების ხელმძღვანელობას და მათ შტაბს". - ამ თავდასხმის შედეგები ჯერჯერობით უცნობია.

შაბათს პალესტინელი ბოევიკების მიერ ისრაელის ტერიტორიაზე შეჭრის შემდეგ, ისრაელის საჰაერო ძალები აგრძელებენ დარტყმებს ღაზას სექტორში, სხვადასხვა სამიზნეებზე.

ჰამასის წარმომადგენლები აცხადებენ, რომ 250 პალესტინელი დაიღუპა. ამ ინფორმაციის დამოუკიდებელი დადასტურების მოპოვება შეუძლებელია.

BBC-ის კორესპონდენტი ღაზაში იტყობინება, რომ ქალაქ ღაზაში აფეთქებების ხმები არ წყდება.

ამასთან აშშ-ში ისრაელის საელჩოს ინფორმაციით, პალესტინელმა ბოევიკებმა, რომლებიც ისრაელში შეიჭრნენ, ათობით მძევალი აიყვანეს, როგორც სამხედრო, ასევე სამოქალაქო პირი.

მათი ოფიციალური რაოდენობა უცნობია, მაგრამ ისრაელის საელჩო შეერთებულ შტატებში იტყობინება, რომ სულ მცირე ტყვედ ასამდე მოქალაქე ჰყავთ ტერორისტებს. 

სოციალურ ქსელ X-ის საკუთარ გვერდზე საელჩო ასევე ავრცელებს ინფორმაციას, რომ დაიღუპა 300-ზე მეტი ისრაელი და დაშავდა მინიმუმ 1800.

ისრაელის ხელისუფლების მხრიდან ამ ინფორმაციის დადასტურება ჯერ არ მომხდარა.

ავტორი: ექსპრესნიუსი,

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის