ახლა ისრაელის არმია კონტროლს იბრუნებს ბოლო დაკარგულ დასახლებულ პუნქტზე, რის შემდეგაც მთელი ძალით უპასუხებს ჰამას იმ შავი დღისთვის, რაც მოუწყვეს ისრაელს და ისრაელის მოქალაქეებს. -ამის შესახებ საგანგებო მიმართვის დროს, ისრაელის პრემიერ-მინისტრმა  ბენიამინ ნეთანიაჰუმ განაცხადა.

 ნეთანიაჰუმ ასევეე ღაზაში მცხოვრებ პალესტინელებს მოუწოდა დაუყოვნებლივ დატოვონ ღაზა, რადგან ისრაელი ჰამასის ყველა სამალავის ნანგრევებად ქცევას აპირებს.

“ცახალი მთელს რესურსს და ძალას გამოიყენებს, რომ გაანადგუროს ჰამასი, ჩვენ ვუტევთ მთელი ძალით, შურს ვიძიებთ ამ შავი დღისთვის, ისრაელისთვის და ჩვენი მოქალაქეებისთვის. ყველა ადგილი რომელიც ჰამასს უკავშირდება იქნება განადგურებული. მივმართავ ღაზის მოსახლეობას, წადით ახლავე! რადგან ჩვენ ვიმოქმედებთ ყველგან და მთელი ძალით. ამ წუთას ცახალი ისრაელის ტერიოტირაზე ბოლო დასახლებებს ტერორისტებისგან წმენდს. ჩვენ დავდივართ სახლიდან სახლში რომ წესრიგი აღვადგინოთ.

მივმართავ ისრაელელებს : წინ ხანგრძლივი ბრძოლა გველის, რთული დღეები, მაგრამ დარწმუნებული ვარ, რომ ღმერთის დახმარებით ჩვენ გავიმარჯვებთ.”- განაცხადა ისრაელის პრემიერმა.

ცნობისთვის, დღეს, 7 ოქტომბერს ღაზის სექტორში მოქმედმა ტერორისტულმა დაჯგუფებებმა ისრაელის სამხრეთით მოულოდნელი სარაკეტო და სახმელეთო იერიში წამოიწყეს. 

მოგვიანებით, ტერორისტულმა დაჯგუფება "ჰამასმა", რომელიც ღაზის სექტორს აკონტროლებს, ისრაელის წინააღმდეგ "ოპერაცია ალ-აკსას წარღვნა" გამოაცხადა, რის შედეგადაც ისრაელში 

სულ მცირე 150 ისრაელის მოქალაქე უკვე დაიღუპა და მინიმუმ 1 ათასი დაშავდა, იტყობინება ისრაელის მედია ადგილობრივ ოფიციალურ პირებზე დაყრდნობით.

Al Jazeera, სამედიცინო წყაროებზე დაყრდნობით, იუწყება, რომ მინიმუმ 160 პალესტინელი დაიღუპა ღაზაში ისრაელის საპასუხო თავდასხმების შედეგად. დაშავებულია  1000 ადამიანი.

ავტორი: ექსპრესნიუსი,

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის