სირიაში, სამხედრო აკადემიაზე თავდასხმას, სულ მცირე, 100 ადამიანი ემსხვერპლა

2023-10-06 10:34:55, 584 ნახვა

მსოფლიო

სირიის ქალაქ ჰომსში, სამხედრო აკადემიაზე უპილოტო საფრენი აპარატებით თავდასხმა განხორციელდა, რასაც სულ მცირე, 100 ადამიანის სიცოცხლე ემსხვერპლა. ამის შესახებ ინფორმაციას BBC ავრცელებს.

BBC-ის ცნობით, შემთხვევის შედეგად ათობით პირი დაშავდა, დაღუპულებს შორის კი, არიან ბავშვებიც.

ასაფეთქებელი ნივთიერებებით დატვირთული უპილოტო საფრენი აპარატების სამიზნე იყო გამოსაშვები ცერემონია, რომელსაც სამხედრო კურსანტების ოჯახებიც ესწრებოდნენ.

როგორც BBC წერს, არსებობს ვარაუდი, რომლის მიხედვითაც, თავდასხმა ჰომსის ჩრდილო-დასავლეთით, ოპოზიციის მიერ კონტროლირებადი ტერიტორიებიდან განხორციელდა.

სირიის არმია მომხდარში ადანაშაულებს "ტერორისტულ დაჯგუფებებს, რომლებსაც მხარს ცნობილი საერთაშორისო ძალები უჭერენ".

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,