დიდუბის რაიონის გამგეობა თამარ მეფის გამზირი N20-ში მდებარე ხანძრის შედეგად დაზიანებული სამსართულიანი საცხოვრებელი სახლის სრულ რეაბილიტაციას ახორციელებს. ამის შესახებ ინფორმაციას თბილისის მერია ავრცელებს.

მერიის ცნობით, პროექტის მიხედვით, გამაგრდა შენობის საძირკველი, მონოლითური ბეტონით მოეწყო სართულშუა გადახურვის ფილა, ლითონის ელემენტებით მოჩარჩოვდა ფანჯრები და კარის ღიობები. ამასთან, არმატურის ჯავშანში დაზიანებული ნაწილები აღდგება, ბზარები დამუშავდება და სპეციალური მასალით შეივსება.

აღნიშნულ  მისამართზე 28 ოჯახი ცხოვრობს. საცხოვრებელი სახლის რეაბილიტაციის პერიოდში ადგილობრივი მოსახლეობა გამგეობას ქირით ჰყავს უზრუნველყოფილი.

"პროექტს ტენდერში გამარჯვებული კომპანია „მშენებელი+“ ასრულებს. სამუშაოების ღირებულება 691 012 ლარს შეადგენს.

მიმდინარე სამუშაო პროცესს თბილისის მერის მოადგილე კახა გულედანი დიდუბის რაიონის გამგებელთან, ვლადიმერ ძნელაძესთან და პარლამენტისა და საკრებულოს დეპუტატებთან - გიორგი ვოლსკისთან, გივი ჩხრტიშვილთან და ირმა ზავრადაშვილთან ერთად გაეცნო", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია