თბილისის სახელმწიფო კონსერვატორიასთან საპროტესტო აქცია მიმდინარეობს. ადგილზე შეკრებილი არიან ხელოვნების სხვადასხვა სფეროს წარმომადგენლები.

აქციის მონაწილეების განცხადებით, ისინი კულტურის სამინისტროს პოლიტიკას აპროტესტებენ.

საპროტესტო აქცია მას შემდეგ დაიგეგმა, რაც თბილისის სახელმწიფო კონსერვატორიის საარჩევნო კომისიამ გაავრცელა ინფორმაცია, რომ კულტურის მინისტრის, თეა წულუკიანის ბრძანების საფუძველზე, "დაუყოვნებლივი აღსრულების მოთხოვნიდან გამომდინარე, რექტორის არჩევნების პროცედურა" შეწყდა.

"ყველა ველოდებოდით ამას, მე განსაკუთრებით იმიტომ, რომ რაც სხვა კულტურის სფეროებში მოხდა, ყველა ველოდებოდით უკვე, რომ აქაც მოხდებოდა. ახლა უკვე საჭიროა, რომ გონება ჩავრთოთ ყველამ და ძალიან თანმიმდევრულად ვიმოქმედოთ. შევეცდებით ყველა ერთად, გადავწყვიტოთ ეს რაღაცები და ერთპიროვნული არ იყოს ეს, მთავარი ძალა აქვს ხალხს გადაბარებული. დღევანდელი აქცია არ იქნება არც ბოლო და არც პირველი არ არის, ველოდებით ბევრ ადამიანს, ვინც შემოგვიერთდება",- განაცხადა პიანისტმა, გიორგი გიგაშვილმა "მთავარ არხთან" საუბრისას.

შეგახსენებთ, კონსერვატორიაში რექტორის არჩევნების პროცედურების შეწყვეტის შესახებ ინფორმაცია თბილისის სახელმწიფო კონსერვატორიის საარჩევნო კომისიამ გუშინ, 26 სექტემბერს გაავრცელა.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა