დღეიდან, 26 სექტემბრიდან, ძალაში შევიდა განკარგულება, რომლის თანახმად, ევროკავშირიდან საქართველოში შემოყვანილი ავტომანქანების რუსეთში ექსპორტი და რეექსპორტი იკრძალება.

ევროპული საბჭოს დოკუმენტის მიხედვით, აკრძალვა ეხება მანქანებს, რომელთა ძრავის მოცულობა აღემატება 1 900 კუბურ სანტიმეტრს. ასევე, ელექტრო და ჰიბრიდულ ავტომანქანებს.

"2014 წლის 31 ივლისის კონსოლიდირებული ვერსიის დანართში მე-11 პაკეტის სახით შესული ცვლილების თანახმად, 2023 წლის 26 სექტემბრიდან, მიუხედავად ავტოსატრანსპორტო საშუალების ღირებულებისა, აიკრძალება ევროკავშირიდან საქართველოში შემოყვანილი 1 900 კუბურ სანტიმეტრზე დიდი მოცულობის ძრავის მქონე ავტომობილების ისევე, როგორც ყველა ელექტრო და ჰიბრიდული ავტომანქანის რეექსპორტი/ექსპორტი ან ტრანზიტი რუსეთის ფედერაციაში",- აღნიშნულია დოკუმენტში.

ცნობისთვის, 1-ელი აგვისტოდან, საქართველოს ტერიტორიიდან აიკრძალა აშშ-დან შემოყვანილი მანქანების რეექსპორტი/ექსპორტი ან ტრანზიტი რუსეთსა და ბელარუსში.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა