2023-09-20 12:31:34, 995 ნახვა
საზოგადოება
პაპუნა ლეჟავა ეროვნული ბანკის საბჭოს წევრის თანამდებობას ტოვებს
საქართველოს ეროვნული ბანკის საბჭოს წევრი და ვიცე-პრეზიდენტი პაპუნა ლეჟავა თანამდებობას ტოვებს. აღნიშნულის შესახებ ინფორმაციას ლეჟავა სოციალურ ქსელში ავრცელებს.
ლეჟავამ პარლამენტის თავმჯდომარეს, შალვა პაპუაშვილს გადადგომის მოთხოვნის განცხადებით ცოტა ხნის წინ მიმართა.
აღსანიშნავია, რომ პაპუნა ლეჟავას თანამდებობიდან გადადგომას ეროვნული ბანკის პრეზიდენტის მოვალეობის შემსრულებელმა, ნათია თურნავამაც დაადასტურა.
„მაცნობა ელექტრონული კომუნიკაციის საშუალებით, რომ დაწერა განცხადება გადადგომაზე. სამწუხაროა. კარგი პროფესიონალია, დიდი ხანი მუშაობდა ეროვნულ ბანკში", - განაცხადა თურნავამ.
ავტორი: ექსპრესნიუსი,
epn.ge (@expressnews.ge)
