აზერბაიჯანის პრეზიდენტ ილჰამ ალიევსა და აშშ-ის სახელმწიფო მდივანს, ენტონი ბლინკენს შორის სატელეფონო საუბარი შედგა. აღნიშნულის შესახებ ინფორმაციას აზერბაიჯანის პრეზიდენტის ადმინისტრაცია ავრცელებს.

ადმინისტრაციის ცნობით, მხარეებმა არაღიარებული მთიანი ყარაბაღის რეგიონში არსებული ვითარების შესახებ ისაუბრეს.

როგორც აზერბაიჯანის პრეზიდენტმა განაცხადა, თუ სომხეთის შეიარაღებული ძალები იარაღს დაყრიან, "ანტიტერორისტული ღონისძიებები" შეწყდება.

"პრეზიდენტმა ილჰამ ალიევმა ხაზგასმით აღნიშნა, რომ ეს ქმედებები, მათ შორის, 9 სექტემბერს აზერბაიჯანის ყარაბაღის რეგიონში ე.წ. საპრეზიდენტო არჩევნების ჩატარება, არის სომხეთისა და მის მიერ შექმნილი და მხარდაჭერილი ე.წ. სეპარატისტული ორგანიზაციის მიერ აზერბაიჯანის სუვერენიტეტის წინააღმდეგ მიზანმიმართული პროვოკაციების გაგრძელება.

აზერბაიჯანის პრეზიდენტმა განაცხადა, რომ მსგავსი პროვოკაციული და წამახალისებელი ქმედებების თავიდან ასაცილებლად, აზერბაიჯანს რეგიონში ადგილობრივი ანტიტერორისტული ღონისძიებების დაწყება მოუწია.

სახელმწიფოს მეთაურმა ხაზგასმით აღნიშნა, რომ ანტიტერორისტული ღონისძიებების განხორციელებისას სამიზნეები არ არის მშვიდობიანი მოსახლეობა და ინფრასტრუქტურის ობიექტები, განადგურებულია მხოლოდ ლეგიტიმური სამხედრო სამიზნეები.

სახელმწიფოს მეთაურმა აღნიშნა, რომ რეინტეგრაციის საკითხების განსახილველად, აზერბაიჯანის პრეზიდენტის ადმინისტრაციამ რამდენჯერმე მიიწვია დიალოგზე ყარაბაღის რეგიონში მცხოვრები სომეხი მოსახლეობის წარმომადგენლები, მაგრამ მათ ამაზე უარი თქვეს, თუმცა ადგილობრივი ანტიტერორისტულ ღონისძიებების დროს, ისინი კიდევ ერთხელ მიიწვიეს დიალოგზე. ამასთან, როგორც აზერბაიჯანის სახელმწიფოს მეთაურმა განაცხადა, იარაღის დაყრისა და განიარაღების შემთხვევაში, ანტიტერორისტული ღონისძიებები შეწყდება.

თავის მხრივ, აშშ-ის სახელმწიფო მდივანმა, ენტონი ბლინკენმა შეშფოთება გამოხატა არსებული სიტუაციის გამო, მხარეებს ცეცხლის შეწყვეტისკენ მოუწოდა და განაცხადა, რომ ამერიკის შეერთებული შტატები მხარს უჭერს პირდაპირ დიალოგს ბაქოსა და ყარაბაღის რეგიონში მცხოვრები სომხების წარმომადგენლებს შორის“- აღნიშნულია აზერბაიჯანის პრეზიდენტის ადმინისტრაციის მიერ გავრცელებულ ინფორმაციაში.

შეგახსენებთ, რომ გუშინ, 19 სექტემბერს აზერბაიჯანის თავდაცვის სამინისტრომ გაავრცელა განცხადება, რომლის მიხედვითაც, აზერბაიჯანმა ყარაბაღში ლოკალური ხასიათის ანტიტერორისტული ღონისძიებები დაიწყო.

ამასთან, როგორც სომხეთის თავდაცვის სამინისტროში აცხადებენ, სომხეთის რესპუბლიკას მთიან ყარაბაღში არმია არ ჰყავს განთავსებული.

არაღიარებული მთიანი ყარაბაღის ე.წ. ომბუდსმენის, გეგამ სტეპანიანის განცხადებით, აზერბაიჯანის სამხედრო მოქმედებების შედეგად დაღუპულია, სულ მცირე, 2 ადამიანი, რომელთა შორის ერთი ბავშვია. 

ავტორი: ექსპრესნიუსი,

სოციალური ქსელები

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია