2023-09-19 17:12:24, 315 ნახვა
რეგიონი
აჭარის ჯანდაცვის მინისტრი გაეროს ბავშვთა ფონდის ახალ წარმომადგენელს შეხვდა
![]() აჭარის ჯანმრთელობისა და სოციალური დაცვის მინისტრი ნინო ნიჟარაძე გაეროს ბავშვთა ფონდის ახალ წარმომადგენელს საქართველოში, იესპერ მოლერს შეხვდა. აჭარის ჯანდაცვის უწყების ცნობით, სამინისტროში გამართულ გაცნობითი ხასიათის შეხვედრაზე, ორგანიზაციებს შორის არსებული თანამშრომლობა მიმოიხილეს და ურთიერთობების კიდევ უფრო გაღრმავების შესაძლებლობის გზებზე ისაუბრეს. "ვულოცავ ბატონ იესპერს ახალ პოზიციაზე დანიშვნას და ვუსურვებ ნაყოფიერ საქმიანობას ჩვენს ქვეყანაში. აჭარის ჯანდაცვის სამინისტროსა და გაეროს ბავშვთა ფონდს შორის აქტიური თანამშრომლობა გრძელდება. ფონდის მხარდაჭერით, არაერთი მნიშვნელოვანი პროექტი განხორციელდა რეგიონში - ტყვიის ექსპოზიციის კვლევა ბავშვებში და პროცესში უცხოელი ექსპერტების ჩართულობა, შეზღუდული შესაძლებლობის შეფასების და სტატუსის განსაზღვრის მოდელის დანერგვა, ბავშვის განვითარებაზე ორიენტირებული პირველადი ჯანდაცვის გაძლიერება და ე.წ „ოცნების ქალაქში“ მცხოვრები ოჯახების კრიტერიუმების განსაზღვრა. 2019 წელს გაფორმდა თანამშრომლობის მემორანდუმი, რომლის მიზანს აჭარაში ბავშვის განვითარებაზე ორიენტირებული პირველადი ჯანდაცვის გაძლიერება წარმოადგენს. სამომავლოდაც მჯერა ერთობლივად შევძლებთ მოსახლეობის საჭიროებებზე მორგებული პროექტების განხორციელებას“, - აღნიშნა ნინო ნიჟარაძემ. იესპერ მოლერი გაეროს ბავშვთა ფონდს 1999 წელს შეუერთდა და მუშაობდა ინდოეთში, ტაილანდში, ზამბიაში, შეერთებულ შტატებში, ვიეტნამში, სომალსა და სამხრეთ სუდანში. ოქტომბრის თვიდან, გაეროს მოსახლეობის ფონდისა და გაეროს ბავშვთა ფონდის მხარდაჭერით ჩვენს რეგიონში კიდევ ერთი მნიშვნელოვანი საპილოტე პროგრამა განხორციელდება - ტელემედიცინა, რაც გულისხმობს ანტენატალური მეთვალყურეობისა და ჯანმრთელობის მომსახურებების დისტანციურად მიწოდების ინოვაციურ მიდგომას: ტელემედიცინისა და ტელემეთვალყურეობის სერვისების დანერგვას აჭარაში.
ტრამპი - ჩემი მთლიანი ყურადღება არის პრეზიდენტობისკენ, რათა ამერიკა კვლავ დიდებულად ვაქციოთ
დავითაშვილი - მგზავრთნაკადისა და ავიარეისების ზრდის შესაბამისად, ქვეყნისთვის ძალიან მნიშვნელოვანია როგორც საერთაშორისო, ისე შიდა აეროპორტების განვითარება
ომბუდსმენი „შეკრებებისა და მანიფესტაციების შესახებ“ კანონზე - გამოხატვისა და შეკრების თავისუფლებაში ინტენსიური ჩარევაა
ნატოს გენერალური მდივნის მოადგილე - ნატო უკრაინის გრძელვადიან მხარდაჭერას კვლავ ადასტურებს
|
ომი უკრაინაში![]() ბრიტანეთის პრემიერი - მიეცით ზელენსკის საჭირო ინსტრუმენტები და უკრაინელები საქმეს დაასრულებენ
![]() CNN - აშშ ირანიდან ამოღებულ იარაღს უკრაინას გადასცემს
![]() რუსეთის სამხედრო ძალებმა ხერსონის მარჯვენა სანაპიროზე 10 მართვადი საჰაერო ბომბი ჩამოაგდეს
ვიდეო/LIVE საქართველოს დამოუკიდებლობის დღე - პირდაპირი
![]() სუს-ი „კანვასთან“ დაკავშირებით ჩატარებული საგამოძიებო მოქმედების შესახებ ინფორმაციას ავრცელებს
მთავარი თემა
|