რუსეთის ფედერაციაში ვიზიტით მყოფი ჩრდილოეთ კორეის ლიდერი კიმ ჩენ ინი შორეულ აღმოსავლეთში, ქალაქ კომსომოლსკი-ონ-ამურში იმყოფებოდა, სადაც სამხედრო თვითმფრინავებისა და სამხედრო აღჭურვილობის მწარმოებელი საავიაციო ქარხანა დაათვალიერა. აღნიშნულ ინფორმაციას TASS-ი ავრცელებს.

მედიის ცნობით, ჩრდილოეთ კორეის ლიდერს თან ახლდა რუსეთის ფედერაციის ვიცე-პრემიერი, მრეწველობისა და ვაჭრობის მინისტრი დენის მანტუროვი.

კიმ ჩენ ინს რეგიონის გუბერნატორი და სხვა ოფიციალური პირები ქალაქის რკინიგზის სადგურზე, წითელ ხალიჩაზე დახვდნენ, შემდეგ კი, გადაიყვანეს საავიაციო ქარხანაში, რომელსაც საბჭოთა კოსმონავტის, იური გაგარინის სახელი ეწოდა.

ჩრდილოეთ კორეის ლიდერი "სუ-35"-ის ტიპის ავიაგამანადგურებლის საჩვენებელ ფრენასაც დაესწრო.

შეგახსენებთ, ჩრდილოეთ კორეის ლიდერი კიმ ჩენ ინი რუსეთში 12 სექტემბერს ჩავიდა. მისმა  შეჯავშნულმა მატარებელმა ფედერაციის საზღვარი 11 სექტემბერს, დილით გადაკვეთა.

ვიზიტის ფარგლებში კიმ ჩენ ინი პრეზიდენტ ვლადიმერ პუტინს ამურის რეგიონში, კოსმოდრომ "ვოსტოჩნიზე" შეხვდა.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა