2023-09-14 15:49:55, 936 ნახვა
მსოფლიო
ალექსანდრ ლუკაშენკო მოსკოვში ჩავიდა
ბელარუსის პრეზიდენტი ალექსანდრ ლუკაშენკო სამუშაო ვიზიტით რუსეთში ჩავიდა. აღნიშნულის შესახებ ინფორმაციას რუსული პროპაგანდისტული მედია РИА Новости ავრცელებს.
მედიის ცნობით, ვიზიტის ფარგლებში დაგეგმილია შეხვედრა რუსეთის პრეზიდენტთან, ვლადიმერ პუტინთან.
მედიის ცნობითვე, შეხვედრის მთავარი თემა საერთაშორისო დღის წესრიგი და რეგიონული საკითხები ინება, ასევე სამუშაოები იმპორტის ჩანაცვლების სფეროში.
შეგახსენებთ, რომ ბელარუსის პრეზიდენტი ალექსანდრ ლუკაშენკო და რუსეთის პრეზიდენტი ვლადიმერ პუტინი ერთმანეთს ბოლოს 23 ივლისს შეხვდნენ. ლიდერებმა შეხვედრაზე უსაფრთხოების საკითხები, საერთაშორისო დღის წესრიგი, ეკომონიკური ურთიერთობები, ალიანსის პროგრამების განხორციელება, სანქციებისადმი წინააღმდეგობა და სხვა საკითხები განიხილეს.
ავტორი: ექსპრესნიუსი,
epn.ge (@expressnews.ge)
