ევროპარლამენტმა მიიღო რეზოლუცია, რომელშიც ბელარუსის პრეზიდენტს, ალექსანდრ ლუკაშენკოს რუსეთის ომის დანაშაულების თანამონაწილეს უწოდებს.

რეზოლუციის თანახმად, სპეციალურ საერთაშორისო ტრიბუნალს უნდა ჰქონდეს იურისდიქცია, გამოიძიოს არა მხოლოდ პუტინის და რუსეთის პოლიტიკური და სამხედრო ხელმძღვანელობის, არამედ ბელარუსის ხელმძღვანელობის შესაძლო დანაშაულები.

"უკრაინის წინააღმდეგ რუსეთის გაუმართლებელი აგრესიული ომის წარმოების შესაძლებლობის მიცემისთვის, ლუკაშენკოს რეჟიმი გახდა რუსეთის მიერ ჩადენილი დანაშაულების თანამონაწილე, რაც გულისხმობს პასუხისმგებლობას უკრაინისთვის მიყენებულ ნგრევასა და ზარალზე",- აღნიშნულია რეზოლუციაში.

გარდა ამისა, რეზოლუცია ევროკავშირის ინსტიტუტებსა და წევრებს მოუწოდებს, დაიწყონ სისხლისსამართლებრივი დევნა ბელარუსი ჩინოვნიკების მიმართ, რომლებიც მონაწილეობენ აგრესიის, ომის, კაცობრიობისა და უკრაინის წინააღმდეგ ჩადენილ გენოციდის დანაშაულებში.

ევროპარლამენტმა ასევე მოუწოდა ევროკავშირის წევრ ქვეყნებს "გაფართოვონ და გააძლიერონ სანქციების ფარგლები" რუსეთის წინააღმდეგ. ევროპარლამენტმა ასევე შესთავაზა ხელისუფლებებს ბელარუსის წინააღმდეგ იგივე სანქციების გამოყენება, რაც ამჟამად რუსეთის წინააღმდეგ მოქმედებს.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა