ვიეტნამის დედაქალაქ ჰანოიში, მრავალსართულიან კორპუსში ხანძრის შედეგად 56-მდე ადამიანი დაიღუპა, დაშავებულია 37 ადამიანი, - ამის შესახებ ინფორმაციას CNN-ი ავრცელებს.

ვიეტნამის ოფიციალური საინფორმაციო სააგენტოს ცნობით, ცეცხლი ცხრასართულიან კორპუსში ღამით გაჩნდა, სადაც დაახლოებით 150 ადამიანი ცხოვრობდა.

როგორც მედია წერს, რამდენიმე ადამიანი მძიმე დაზიანებებით ადგილობრივ საავადმყოფოში მას შემდეგ გადაიყვანეს, რაც თავის გადასარჩენად ფანჯრებიდან გადახტნენ.

პოლიციამ დააკავა შენობის მფლობელი, ნგიმ კუანგ მინი, რომელსაც ხანძარსაწინააღმდეგო წესების დარღვევაში ედება ბრალი.

ამასთან, საზოგადოებრივი უსაფრთხოების სამინისტროს განცხადებაში აღნიშნულია, რომ ფაქტზე გამოძიება მიმდინარეობს.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა