ანექსირებულ სევასტოპოლზე წუხელ თავდასხმა განხორციელდა. აღნიშნულ ინფორმაციას რუსეთის სამთავრობო-პროპაგანდისტული მედია "რია ნოვოსტი" ქვეყნის თავდაცვის სამინისტროზე დაყრდნობით ავრცელებს.

როგორც თავდაცვის უწყებაში აცხადებენ, თავდასხმის შედეგად 2 გემი დაზიანდა. 

"ღამით უკრაინის შეიარაღებულმა ძალებმა 10 ფრთოსანი რაკეტით დაარტყეს სევასტოპოლში ორჯონიკიძის გემების სარემონტო ქარხანას და 3 უეკიპაჟო კატერით შავი ზღვის ფლოტის გემების რაზმს",- აღნიშნულია თავდაცვის სამინისტროს განცხადებაში.

უწყების მტკიცებით, რუსეთის საჰაერო თავდაცვამ 10 რაკეტიდან 7 ჩამოაგდო და საპატრულო გემმა სამივე საზღვაო დრონი გაანადგურა. 

ანექსირებული სევასტოპოლის ე.წ. გუბერნატორის, მიხაილ რაზვოჟაევის განცხადებით, ქალაქზე თავდასხმის შედეგად 24 ადამიანი დაშავდა.

„ადგილზე მუშაობს ყველა ოპერატიული სამსახური, ქალაქში სამოქალაქო ობიექტებს საფრთხე არ ემუქრება“, - აღნიშნა რაზვოჟაევმა.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა