2023-09-04 11:47:28, 846 ნახვა
მსოფლიო
რეზნიკოვი - გადადგომის შესახებ განცხადება უკრაინის უმაღლეს რადას გადავეცი
უკრაინის პრეზიდენტის გადაწყვეტილების შესაბამისად, გადადგომის შესახებ განცხადება უკრაინის უმაღლეს რადას გადავეცი,- ამის შესახებ უკრაინის თავდაცვის მინისტრი, ოლექსი რეზნიკოვი სოციალურ ქსელში წერს.
რეზნიკოვის თქმით, მზადაა მისი მუშაობის შესახებანგარიშის ჩასაბარებლად.
„უკრაინის პრეზიდენტის, ვოლოდიმირ ზელენსკის გადაწყვეტილების შესაბამისად, გადადგომის შესახებ განცხადება უკრაინის უმაღლეს რადას გადავეცი. მზად ვართ ანგარიშისთვის. ჩვენ ვიცავთ ბრძანებას!",- წერს რეზნიკოვი.
ცნობისთვის, 3 სექტემბერს უკრაინის პრეზიდენტმა, ვოლოდიმირ ზელენსკიმ მედიაში გავრელებული ინფორმაცია დაადასტურა და განაცხადა, რომ უკრაინის თავდაცვის მინისტრის შეცვლის გადაწყვეტილება მიიღო.
ავტორი: ექსპრესნიუსი,
epn.ge (@expressnews.ge)
