უკრაინის პრეზიდენტმა, ვოლოდიმირ ზელენსკიმ და საბერძნეთის პრემიერ-მინისტრმა, კირიაკოს მიცოტაკისმა უკრაინის ევროატლანტიკური ინტეგრაციის შესახებ დეკლარაციას მოაწერეს ხელი.

დეკლარაციის თანახმად, ათენი აცხადებს, რომ გააგრძელებს უკრაინის სამხედრო, ტექნიკურ, თავდაცვით და ჰუმანიტარულ მხარდაჭერას, გარდა ამისა, ომის დასრულების შემდეგ მის აღდგენაში წვლილის შეტანას. 

მხარეებმა ასევე განაცხადეს, რომ უკრაინის უსაფრთხოება „სასიცოცხლოდ მნიშვნელოვანია ევროატლანტიკური რეგიონის სტაბილურობისთვის“ და მხარი დაუჭირეს ნატო-უკრაინის საბჭოს როლს, როგორც კიევსა და ბრიუსელს შორის თანამშრომლობის გაფართოების პლატფორმას.

„საბერძნეთის რესპუბლიკა მხარს უჭერს უკრაინის მიერ ნატო-ს წევრობის მიღებას, როდესაც ალიანსის წევრები შეთანხმდებიან  და შესრულდება პირობები, როგორც ეს ნატო-ს ვილნიუსის სამიტის დეკლარაციაშია მითითებული“,- აღნიშნულია დეკლარაციაში.

ცნობისთვის, გუშინ, 21 აგვისტოს უკრაინის პრეზიდენტი ვოლოდიმირ ზელენსკი სამუშაო ვიზიტით საბერძნეთში ჩავიდა.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა