პუტინი აპირებს, მსხვერპლად გაიღოს თავისი ხალხი, არმია პირადი და პოლიტიკური გადარჩენისთვის, ამიტომ არის ასე რთული სამშვიდობო მოლაპარაკება,-ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა ესპანურ მედიასთან El Pais-თან საუბრისას განაცხადა.

ბორელის თქმით, რუსეთის პრეზიდენტი, ვლადიმერ პუტინი უკრაინაში ომის დაწყებით „თითქმის ყველაფერში შეცდა“

"პუტინი პირადი და პოლიტიკური გადარჩენისთვის თავის ხალხს და არმიას სწირავს. ამიტომ არის ასე რთული სამშვიდობო მოლაპარაკება",- განაცხადა ბორელმა.

ჯოზეფ ბორელმა დადებითად შეაფასა საუდის არაბეთში უკრაინული „მშვიდობის ფორმულის“ შესახებ ბოლო მოლაპარაკებები და ხაზი გაუსვა ჩინეთის მონაწილეობასაც.

"ჩინეთი ხმამაღლა არასდროს იტყვის, რომ ამცირებს მხარდაჭერას რუსეთისადმი ან ხელს უწყობს მის აშკარა დამარცხებას. პეკინი სულაც არ არის კმაყოფილი არსებული ვითარებით, ყოველ შემთხვევაში, ბირთვული იარაღის შეხსენებით...

უპირველეს ყოვლისა, ჩინეთი არ არის რუსეთი. ჩინეთი არის ნამდვილი გეოპოლიტიკური აქტორი, ხოლო რუსეთი არის ეკონომიკური ჯუჯა, ისევე როგორც „ბენზინგასამართი სადგური, რომლის მფლობელს აქვს ატომური ბომბი",- დასძინა ბორელმა.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა