2023-08-10 10:24:48, 1918 ნახვა
ომი უკრაინაში
რუსებმა ზაპოროჟიე დაბომბეს - არის მსხვერპლი
რუსმა ოკუპანტებმა გუშინ საღამოს ზაპოროჟიეში საცხოვრებელი კვარტალი დაბომბეს.
უკრაინული მედია ოფიციალურ პირებზე დაყრდნობით წერს, რომ თავდასხმის შედეგად 2 ადამიანი დაიღუპა, ხოლო 7 დაშავდა.
მედიის ცნობით, თავდაპირველად 3 დაღუპულის შესახებ ვრცელდებოდა ინფორმაცია, თუმცა მოგვიანებით, ქვეყნის შინაგან საქმეთა მინისტრმა, იგორ კლიმენკომ დააზუსტა, რომ დაღუპულია 2 ადამიანი, ერთ-ერთ დაშავებულს კი, სასწრაფო დახმარების ექიმებმა ადგილზე აღმოუჩინეს რეანიმაციული დახმარება და ის ცოცხალია.
იერიშის შედეგად შევჩენკოვის რაიონში ეკლესია და მაღაზიები დაზიანდა.
ავტორი: ექსპრესნიუსი,
epn.ge (@expressnews.ge)
