2023-08-01 14:57:26, 1594 ნახვა
ომი უკრაინაში
ბრიტანეთის დაზვერვა - უკრაინის სამხრეთით რუსეთი საბრძოლო მასალის ნაკლებობას განიცდის
უკრაინის სამხრეთით, რუსეთის სარდლობის საერთო პრობლემები, სავარაუდოდ, არის საარტილერიო საბრძოლო მასალისა და რეზერვის ნაკლებობა, ასევე თავდაცვითი ქვედანაყოფების არასაკმარისი რაოდენობა. ამის შესახებ ბრიტანეთის დაზვერვის ანგარიშშია ნათქვამი.
დაზვერვის თქმით, უკრაინის სამხედრო ძალები წინ მიიწევენ რუსეთის 58-ე არმიის პოზიციებზე.
ამასთან, ბრიტანეთის დაზვერვა აცხადებს, რომ ველიკა ნოვოსელკას სამხრეთით რუსი სამხედროები თავდაცვის რეჟიმზე არიან გადასულები.
"რუსეთის ფედერაციის მე-5 გაერთიანებული შეიარაღების არმიის ქვედანაყოფები, სავარაუდოდ, განსაკუთრებული ზეწოლის ქვეშ არიან", - აღნიშნულია ანგარიშში.
ავტორი: ექსპრესნიუსი,
epn.ge (@expressnews.ge)
