|
2023-07-31 16:55:28, 1297 ნახვა
ეკონომიკა
ირაკლი ქარქაშაძე - მოხარულები ვართ, რომ იმერეთში Subway-მ გაფართოება სწორედ ქუთაისის საერთაშორისო აეროპორტით დაიწყო
ქუთაისის საერთაშორისო აეროპორტის გაფრენის დარბაზში იმერეთის რეგიონში პირველი ამერიკული სწრაფი მომსახურების რესტორანი Subway გაიხსნა. ქსელის ბოლო თაობის "Fresh Forward-‘’ის ტიპის დიზაინის რესტორანი, რომელიც მთლიანად მომხმარებლის საჭიროებებზეა მორგებული, საქართველოში აშშ-ის ელჩმა კელი დეგნანმა, საქართველოს აეროპორტების გაერთიანების დირექტორმა ირაკლი ქარქაშაძემ და Subway-ის წარმომადგენლობამ გახსნეს. "ჩვენ დღეს გავხსენით საქართველოში მე-8 და იმერეთის რეგიონში Subway-ს რიგით პირველი ფილიალი. მოხარულები ვართ, რომ იმერეთში ამ ბრენდის გაფართოება სწორედ ქუთაისის საერთაშორისო აეროპორტიდან იწყება. ეს ადასტურებს იმას, რომ ქუთაისის საერთაშორისო აეროპორტი არის არამხოლოდ მგზავრთნაკადის მოზიდვისა და ტურისტებისთვის საინტერესო ადგილი, არამედ რეგიონის ეკონომიკის განმავითარებელი მნიშვნელოვანი ობიექტი. მივესალმები იმას, რომ ამერიკული ბრენდი წარმოდგენილია ქუთაისის საერთაშორისო აეროპორტში და კიდევ ერთხელ ამ ფაქტის მნიშვნელობას ხაზს უსვამს ის, რომ დღეს აეროპორტში ვსტუმრობთ აშშ-ს სრულუფლებიან ელჩს ,ქალბატონ კელი დეგნანს. ეს გარდა იმისა, რომ თვითონ ამ ღონისძიების მნიშვნელობას უსვამს ხაზს, არამედ მეტყველებს იმ მჭიდრო თანამშრომლობაზე, რომელიც ჩვენს ქვეყანას და საქართველოს აეროპორტების გაერთიანებას გაგვაჩნია. ყოველთვის ვგრძნობთ იმ დიდ მხარდაჭერას, რომელიც ქუთაისის საერთაშორისო აეროპორტის და საქართველოს ავიაციის განვითარებას ეხება", - განაცხადა ირაკლი ქარქაშაძემ. Subway მსოფლიოში რესტორნების ყველაზე დიდი ქსელია, რომელიც მომხმარებელს უგემრიელესი სენდვიჩების,სალათებისა და ორცხობილების ფართო არჩევანს სთავაზობს. სენდვიჩები და სალათები ახლად მომზადებული ინგრედიენტებით, მომხმარებლების თვალწინ და მათი ინდივიდუალური გემოვნების გათვალისწინებით იწყობა.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



