რუსეთის ფედერაციის დუმამ მეორე მოსმენით მიიღო კანონპროექტი, რომლის მიხედვითაც, ჯარში გაწვევის ასაკობრივი ზღვარი 30 წლამდე იზრდება, ქვედა ზღვარი კი უცვლელი - 18 წელი რჩება. აღნიშნულ ინფორმაციას BBC-ის რუსულენოვანი ბიურო ავრცელებს.

ახალი კანონი 2024 წლის 1-ელი იანვრიდან ამოქმედდება და შესაბამისად, მომდევნო საგაზაფხულო გაწვევაზე გავრცელდება.

აღსანიშნავია, რომ თავდაცვის მინისტრის, სერგეი შოიგუს ინიციატივით, კანონპროექტის თავდაპირველი ვერსია, ჯარში გაწვევის მაქსიმალურ ზღვარად 30 წლის ასაკის შემოღებასთან ერთად, მინიმალური ასაკობრივი ზღვრის 21 წლამდე გაზრდასაც ითვალისწინებდა.

კანონპროექტის აღნიშნულ ვერსიას დუმამ პირველი მოსმენით მხარი ივნისში დაუჭირა, თუმცა გასულ პარასკევს საკანონმდებლო ინიციატივაში შევიდა მოულოდნელი ცვლილება, რომლის თანახმადაც, რუსეთში ჯარში გაწვევის ასაკის ქვედა ზღვარი 21 წლამდე არ გაიზრდება.

ცნობისთვის, მანამდე, რუსეთის ფედერაციაში, ჯარში გაწვევის ზედა ზღვარი 27 წელი იყო.

ავტორი: ექსპრესნიუსი,

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა