2023-07-24 14:58:32, 895 ნახვა
საზოგადოება
გორში ხანძრის შედეგად ორი ადამიანი დაშავდა
გორში ერთ-ერთ საცხოვრებელ სახლში ხანძარი გაჩნდა, რის შედეგადაც 2 ადამიანი მსუბუქად დაშავდა. აღნიშნული ინფორმაცია "ექსპრესნიუსს" შინაგან საქმეთა სამინისტროს საგანგებო სიტუაციების მართვის სამსახურში დაუდასტურეს.
როგორც უწყებაში აცხადებენ, ხანძრის გამომწვევი მიზეზი ბუნებრივი აირის ბალონის აალება გახდა.
მათივე ცნობით, დაშავებულებს სათანადო სამედიცინო დახმარება უკვე გაეწიათ და ამ დროისთვის, ორივე მათგანის ჯანმრთელობის მდგომარეობა სტაბილურია.
საგანგებო სიტუაციების მართვის სამსახურში აცხადებენ, რომ ხანძარი ლიკვიდირებულია.
ავტორი: ექსპრესნიუსი,
epn.ge (@expressnews.ge)
