უკრაინის მართლმადიდებელი ეკლესიის ოდესის ეპარქიის მთავარეპისკოპოსმა, ვიქტორმა რუსეთის პატრიარქ კირილს ოდესის ფერიცვალების ეკლესიაში რაკეტის ჩამოვარდნასთან დაკავშირებით წერილი გაუგზავნა.

როგორც წერილშია აღნიშნული, მთავარეპისკოპოსი ვიქტორი რუსეთის მართლმადიდებელი ეკლესიის პატრიარქს მოუწოდებს, რომ უკრაინის მართლმადიდებელ ეკლესიას ჩამოშორდეს.

"თქვენს ქადაგებებში არაერთხელ გისაუბრიათ წმინდა რუსეთის ერთიანობაზე, რომელსაც თქვენი კურთხევითა და საქმით, სრულად ანადგურებთ. სწორედ პირადად თქვენი კურთხევით, რუსეთის ფედერაციის სამხედროები დღეს ჩადიან უსაქციელობასა და გაცხადებულ ომს უკრაინის სახელმწიფოს სუვერენულ ტერიტორიაზე. შეწყვიტეთ სისხლისღვრა. თქვენი ეპისკოპოსები და მღვდლები აკურთხებენ  ტანკებსა და რაკეტებს, რომლებიც ჩვენს მშვიდობიან ქალაქებს ბომბავენ. თქვენს მიერ დალოცვილი რუსეთის ფედერაციის რაკეტა პირდაპირ წმინდათა წმინდა ტაძრის საკურთხეველს მოხვდა.

მივხვდი, რომ დიდი ხანია, უკრაინის მართლმადიდებელ ეკლესიას თქვენს აზროვნებასთან საერთო უკვე არაფერი აქვს. პირადი ამბიციების გამო, თქვენ დაკარგეთ უკრაინის მართლმადიდებელი ეკლესია და სხვა ეკლესიები წმინდა რუსეთის ქვეყნებში. მოვითხოვთ, ჩამოშორდეთ ჩვენს ეკლესიას, ეპისკოპოსებსა და წინამძღვარს. ჩვენ ჩვენი გზა გვაქვს, რომელიც უკრაინის მართლმადიდებელი ეკლესიის მიერ არის არჩეული",- აღნიშნულია წერილში.

ცნობისთვის, 23 ივლისს რუსმა ოკუპანტებმა ოდესაზე სარაკეტო იერიში განახორციელეს. ბოლო მონაცემებით, დაიღუპა ერთი და დაშავდა 22 ადამიანი, მათ შორის 4 ბავშვია.

თავდასხმიდან მალევე ადგილობრივმა ხელისუფლებამ გაავრცელა ინფორმაცია, რომ დაზიანებული იყო ფერისცვალების ტაძარი, მეცნიერებათა სახლი და მიმდებარე საცხოვრებელი სახლები.

მოგვიანებით, ოდესის საოლქო ადმინისტრაციის ხელმძღვანელმა, ოლეგ კიპერმა განაცხადა, რომ რუსი ოკუპანტების მიერ წუხელ განხორციელებული სარაკეტო იერიშის შედეგად, იუნესკოს დაცვის ქვეშ მყოფ ოდესის ისტორიულ ცენტრში, წინასწარი მონაცემებით, არქიტექტურის 25 ძეგლი დაზიანდა. 

აღსანიშნავია, რომ რუსეთის ფედერაციის თავდაცვის სამინისტრომ გაავრცელა განცხადება, რომლის მიხედვითაც, ოდესაში იერიში მიიტანეს იმ ობიექტებზე, სადაც "რუსეთის წინააღმდეგ ტერორისტული აქტები მზადდებოდა".

ავტორი: ექსპრესნიუსი,

სოციალური ქსელები

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა

კრემლმა გერმანიის ულტრამემარჯვენე პარტიასთან მოლაპარაკებები დაიწყო გერმანიაში გაზის მიწოდების აღდგენის თაობაზე