რუსმა ოკუპანტებმა ნიკოლაევი დაბომბეს, რის შედეგადაც 3 სართულიან საცხოვრებელ კორპუსსა და ავტოფარეხებში ხანძარი გაჩნდა. აღნიშნულის შესახებ ინფორმაციას ნიკოლაევის რეგიონული სამხედრო ადმინისტრაციის ხელმძღვანელი ვიტალი კიმი და ნიკოლაევის მერი ალექსანდრ სენკევიჩი ავრცელებენ.

სენკევიჩის თქმით, შემთხვევის შედეგად 18 ადამიანი დაშავდა, მათგან 9 საავადმყოფოში გადაიყვანეს.

"სულ დაშავდა 18 ადამიანი, მათგან 9 საავადმყოფოში გადაიყვანეს, მათ შორის 5 ბავშვი. 2 ადამიანი ამოიყვანეს ნანგრევებიდან. სასწაულია, რომ მათ გადარჩენა მოახერხეს",- განაცხადა სენკევიჩმა.

თავდასხმის შედეგად, მრავალსართულიანი საცხოვრებელი კორპუსი და 15-მდე ავტოფარეხი დაზიანდა.

ამასთან, როგორც ვიტალი კიმმა განაცხადა, თავდასხმის შედეგად არიან გარდაცვლილებიც, თუმცა მათი ზუსტი რაოდენობა ჯერჯერობით უცნობია.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა