ჩვენი მთავარი მიზანია, რომ რუსეთმა არ მიიღოს ის იარაღი, რითაც ახორციელებს ამ აგრესიულ ომს და კლავს ხალხს,- ამის შესახებ ამერიკის შეერთებული შტატების სახელმწიფო დეპარტამენტის სანქციების კოორდინაციის ოფისის ხელმძღვანელმა, ელჩმა ჯიმ ო'ბრაიენმა თბილისში გამართულ პრესკონფერენციაზე განაცხადა.

მისი თქმით, რუსეთი შეეცდება, ქვეყნები საჭირო მიზნების მისაღწევად გამოიყენოს.

"რუსეთი შეეცდება, გამოიყენოს ქვეყნები საჭირო მიზნების მისაღწევად. ეს ვნახეთ საჯარო განცხადებებში. ჩვენ ვისურვებთ, შეცვალონ პოლიტიკა ამ მიმართულებით... ამერიკის შეერთებული შტატები, დიდი ბრიტანეთი და ევროკავშირი გაერთიანდნენ, რათა ფოკუსირება მოახდინონ ელექტრონულ მოწყობილობებზე, რომლებიც ბრძოლის ველზე გამოიყენება და ჩვენი თანამშრომლობა საქართველოსთან ფოკუსირებულია სწორედ ამ მოწყობილობებზე... 

ჩვენი მთავარი მიზანია, რომ რუსეთმა არ მიიღოს ის იარაღი, რითაც ახორციელებს ამ აგრესიულ ომს და კლავს ხალხს და ჩვენ, როგორც აშშ, ასევე ბრიტანეთი და ევროკავშირი, ყურადღებას ვამახვილებთ იმ ელექტრონული მოწყობილობების სახეობაზე, რაც გამოიყენება ამ მიზნებისთვის. ჩვენი თანამშრომლობა საქართველოსთან ზუსტად ამ მიმართულებით გულისხმობს ამ ტიპის ელექტრონული აღჭურვილობის თუ მოწყობილობების მიმართულებას",- განაცხადა ჯიმ ო'ბრაიენმა. 

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა