ვინც იძალადა ზურაბ ჯაფარიძეზე, მიშა მშვილდაძეზე, მათ დააჯერეს ოპოზიციამ, NGO-ებმა, ელჩებმა, რომ ფიზიკური და ვერბალური ძალადობა არის სამოქალაქო აქტივიზმი,- ამის შესახებ "ქართული ოცნების" თავმჯდომარემ, ირაკლი კობახიძემ განაცხადა.

როგორც კობახიძემ ჟურნალისტებს უთხრა, საქართველოში მოძალადეები "კოლექტიური ნაცმოძრაობა" NGO-ები და მათი "უცხოელი პატრონები" არიან.

"ძალადობა არის კატეგორიულად მიუღებელი. რაც შეეხება ძალადობის წახალისებას, თვეების და წლების განმავლობაში, ჩვენ ვისმენდით ძალადობის წამახალისებელ განცხადებებს, სიუჟეტებს. იყო ასეთი შემთხვევა, როდესაც აჭარის უმაღლეს საბჭოში შევიდა ერთ-ერთი დეპუტატი, მას თავზე დაამხეს ნაგვის ურნა და ამის წამხალისებელი სიუჟეტები კეთდებოდა ტელევიზიებში. პოლიტიკოსები აკეთებდნენ ამის წამახალისებელ განცხადებებს, ელჩების დუმილიც იყო, რა თქმა უნდა, ამ ძალადობის წახალისება. ასევე, მე მინდა შეგახსენოთ, რომ ადამიანი, რომელიც პოლიციელებს ცეცხლს უკიდებდა, გმირად გამოაცხადეს იგივე ადამიანებმა, აქაც იყო დუმილი კონკრეტული ელჩების მხრიდან და ა.შ. რა თქმა უნდა, ეს ყველაფერი არის ძალადობის წახალისება. როდესაც ადამიანები გამოდიოდნენ რუსთაველზე და დედას იგინებოდნენ, ეს შეფასდა კონკრეტული ელჩის მხრიდან როგორც გამოხატვის თავისუფლება. არ შეიძლება დედის გინება და უწმაწურობა შეაფასო როგორც გამოხატვის თავისუფლება. არა მარტო ძალადობიის წახალისება ხდება, ამ ყველაფერს არქმევდნენ სამოქალაქო აქტივიზმს. ეს ბევრმა დაიჯერა. ვინც იძალადა ზურაბ ჯაფარიძეზე, მიშა მშვილდაძეზე, მათ დააჯერეს ოპოზიციამ, NGO-ებმა, ელჩებმა, რომ ფიზიკური და ვერბალური ძალადობა არის სამოქალაქო აქტივიზმი... ყველას მოვუწოდებ, რომ თავი შეიკავონ ძალადობისგან და ძალადობის წაქეზებისგან. პირველ რიგში, მოძალადეები საქართველოში არიან, რა თქმა უნდა, კოლექტიური "ნაცმოძრაობა" თავისი NGO-ებით და მათი უცხოელი პატრონებით",- ამბობს ირაკლი კობახიძე.

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა