შეხვედრაზე ჩვენს პარტნიორებს მაქსიმალურად მიეწოდათ ინფორმაცია იმ კონკრეტული ნაბიჯების შესახებ, რომელიც გადადგა ქვეყანამ და რომელსაც მომავალში გააგრძელებს ამ მიმართულებით,- აღნიშნულის შესახებ საქართველოს საგარეო საქმეთა მინისტრმა, ილია დარჩიაშვილმა სანქციების ჯგუფის წამრმომადგენლებთან შეხვედრის შემდეგ განაცხადა.

დარჩიაშვილის თქმით, არ დაფიქსირებულა ფაქტი, რომ საქართველოს გავლით რომელიმე ქვეყნის მიმართულებით მომხდარიყოს სანქცირებული პროდუქციის ექსპორტი.

"შეხვედრაზე ჩვენს პარტნიორებს მაქსიმალურად მიეწოდათ ინფორმაცია იმ კონკრეტული ნაბიჯების შესახებ, რომელიც გადადგა ქვეყანამ და რომელსაც მომავალში გააგრძელებს ამ მიმართულებით. საქართველოში მას შემდეგ, რაც ჩვენს რეგიონში დაიწყო საომარი მოქმედებები, არცერთი ფაქტი არ დაფიქსირებულა, რომ საქართველოს გავლით რომელიმე ქვეყნის მიმართულებით მომხდარიყოს სანქცირებული პროდუქციის ექსპორტი. შესაბამისად, საქართველო ამ მიმართულებით გააგრძელებს მუშაობას.

ჩვენს პარტნიორებთან ვისაუბრეთ მომავალში კიდევ უფრო როგორ უნდა გაგრძელდეს ჩვენი თანამშრომლობა და პარტნიორობა. ვფიქრობ, ვიზიტი იქნება ძალიან საინტერესო, რადგან პარტნიორები საკუთარი თვალით ნახავენ იმ შედეგებს, რომელიც ამ მიმართულებით ქვეყანას აქვს. საქართველო გააგრძელებს იყოს ერთგული იმ პრინციპების მისამართით, რომელიც იქნა აღებული საქართველოს ხელისუფლების მხრიდან, რომ საერთაშორისო პარტნიორობის, თანამეგობრობასთან ერთად ძალიან აქტიურად იმუშავებს იმ საერთაშორისო ფინანსური სანქციების მიმართულებით და იქნება მჭიდრო კოორდინაციაში ჩვენს პარტნიორებთან",- განაცხადა დარჩიაშვილმა.

ცნობისთვის, გუშინ, 26 ივნისს, საქართველოს სანქციების საკითხებში ევროკავშირის სპეციალური წარმომადგენელი დევიდ ო'სალივანი ორდღიანი ვიზიტით ეწვია. 

ევროკავშირის სანქციების განხორციელების საკითხებში საერთაშორისო სპეციალურ წარმომადგენელს დევიდ ო'სალივანს და სანქციების საკითხებში აშშ-სა და გაერთიანებული სამეფოს წარმომადგენლებს  ელჩ ჯეიმს ო'ბრაიენს და კუმარ იერს უკვე შეხვდა საქართველოს პრემიერ-მინისტრი ირაკლი ღარიბაშვილი.

მთავრობის ადმინისტრაციის ცნობით, შეხვედრაზე ყურადღება გამახვილდა რუსეთის წინააღმდეგ დაწესებულ ფინანსურ სანქციებთან მიმართებაში საქართველოს მუდმივ კოორდინაციაზე ევროკავშირთან და საერთაშორისო თანამეგობრობასთან.

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა