7 ივნისს, დღის განმავლობაში, რუსეთის საოკუპაციო ჯარებმა ხერსონის რაიონის სხვადასხვა დასახლებულ პუნქტს 34-ჯერ გაუხსნეს ცეცხლი.

ამის შესახებ ხერსონის რეგიონალური სამხედრო ადმინისტრაციის ხელმძღვანელმა ალექსანდრ პროკუდინმა განაცხადა.

მან აღნიშნა, რომ გასული დღის განმავლობაში რუსმა დამპყრობლებმა განახორციელეს 34 თავდასხმა, ნაღმმტყორცნებიდან, არტილერიიდან, გრადიდან და უპილოტო საფრენი აპარატებიდან 193 ჭურვი გაისროლეს.

რუსმა ოკუპანტებმა ქალაქ ხერსონს 2 ჭურვი ესროლეს.

პროკუდინმა თქვა, რომ რუსი სამხედროები რეგიონის დასახლებების საცხოვრებელ ადგილებში შევიდნენ. მისი თქმით, მშვიდობიან მოსახლეობაში მსხვერპლი და დაშავებულები არ არიან.

შეგახსენებთ, რომ 6 ივნისის დღის განმავლობაში დამპყრობლებმა ხერსონის რაიონის სხვადასხვა დასახლებულ პუნქტს 70-ჯერ გაუხსნეს ცეცხლი. რუსული აგრესიის შედეგად 1 ადამიანი დაიღუპა, 1 დაშავდა.

6 ივნისის ღამეს კახოვკას ჰიდროელექტროსადგურის აფეთქების შემდეგ დნეპერში წყლის დონემ 5,58 მეტრით მოიმატა, ხერსონის ოლქის მარჯვენა სანაპიროზე მდებარე 20 დასახლებაში 2629 საცხოვრებელი კორპუსი დაიტბორა.

ავტორი: ექსპრესნიუსი,

სოციალური ქსელები

კოსტა: ევროპისთვის მნიშვნელოვანია სომეხი ხალხის თავისუფლების დაცვა, რათა მათ საკუთარი ბედი თავად აირჩიონ

პოლტავის რეგიონში რუსეთის საჰაერო დარტყმის შედეგად ოთხი ადამიანი დაიღუპა, 31 დაიჭრა

ჟურნალისტი გურამ როგავა, აცხადებს, რომ მასზე თავდამსხმელის ვინაობა დაადგინა

ფორმულა: ოცნება კვიპროსში ევროკავშირის გაფართოების მინისტერიალზე არ მიიწვიეს