დნეპროპეტროვსკის ოლქის პოდგოროდნოს თემზე რუსეთის გუშინდელი დარტყმის შედეგად ბავშვი დაიღუპა - გოგონას ცხედარი სახლის ნანგრევებიდან ამოიყვანეს. ამის შესახებ 4 ივნისს განაცხადა დნეპროპეტროვსკის სამხედრო ადმინისტრაციის ხელმძღვანელმა სერხი ლისაკმა.

აღსანიშნავია, რომ გარდაცვლილი მხოლოდ ორი წლის იყო. რუსი ოკუპანტების თავდასხმის შედეგად დაშავდა 22 ადამიანი, მათგან ხუთი ბავშვი.

ორი ორსართულიანი შენობა, რომელთა შორის რაკეტა მოხვდა, ნაწილობრივ განადგურდა. რუსების რაკეტამ ასევე დააზიანა 10 კერძო სახლი, ავტომობილი, მაღაზია და გაზსადენი.

სამხედრო ადმინისტრაციის ხელმძღვანელმა განაცხადა, რომ რუსებმა დნეპროპეტროვსკის რეგიონს 4 ივნისის ღამითაც შეუტიეს. უკრაინელმა დამცველებმა რეგიონის თავზე ორი საკრუიზო რაკეტა და ერთი დრონი ჩამოაგდეს, სავარაუდოდ შაჰედი.

ოკუპანტებმა ნიკოპოლს არტილერია ესროდნენ. შედეგად ორ ავტომობილს ცეცხლი გაუჩნდა, ხანძარი უკვე ლიკვიდირებულია. გარდა ამისა, დაირღვა სამი მაღალსართულიანი კორპუსი, რესტორანი და ელექტროგადამცემი ხაზები. საბედნიეროდ, მსხვერპლი არ ყოფილა.

შეგახსენებთ, რომ რუსული ჯარები 3 ივნისს საღამოს თავს დაესხნენ დნიპროვსკის რაიონის პოდგოროდნოს თემს. თავდაპირველად დაფიქსირდა ექვსი მსხვერპლი, მათ შორის 6 წლის ბიჭი.

ავტორი: ექსპრესნიუსი,

სოციალური ქსელები

ცხინვალში ე.წ აჩევნებზე მარატ კამბოლოვი - 88,4% ლიდერობს

ზახაროვა: რუსეთისა და საქართველოს ხალხებს ერთმანეთი ენატრებათ

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა