2023-06-03 11:34:39, 641 ნახვა
ომი უკრაინაში
რუსების დაბომბვის შედეგად ხარკოვის რეგიონში არიან დაღუპულები და დაჭრილები
რუსეთის საოკუპაციო ჯარებმა მასიურად დაბომბეს რეგიონის ხარკოვის, კუპიანსკის, ჩუგუევსკის და ბოგოდუხოვსკის ოლქების სასაზღვრო და ფრონტის დასახლებები. ამის შესახებ შაბათს დილით, 3 ივნისს, ხარკოვის სამხედრო ადმინისტრაციის ხელმძღვანელმა ოლეგ სინეგუბოვმა განაცხადა. მისივე თქმით, დილის 4:30 საათზე მტერი ბოგოდუხოვსკის რაიონის სოფელ ივაშკის ნაღმტყორცნებიდან თავს დაესხა, რის შედეგადაც 67 წლის მამაკაცი დაიღუპა. სოფელში ორსართულიანი კორპუსი და კერძო სახლი დაზიანდა. ასევე დაზიანდა სამოქალაქო ინდუსტრიის ობიექტი. გასული დღის განმავლობაში ჩუგუევსკის რაიონის სოფელ ლიმანში დამპყრობლებმა ორი კერძო სახლი დააზიანა, ხანძარი გაჩნდა. ბოგოდუხოვსკის რაიონის სოფელ ალექსანდროვკაში რუსული დაბომბვის შედეგად სახლი დაინგრა. კუპიანსკის რაიონის სოფელ კოვშაროვკაზე მტრის მართვადი ბომბების დარტყმის შედეგად დაზიანდა საცხოვრებელი კორპუსი. იქ ორი ადამიანი დაიღუპა - 61 წლის მამაკაცი და 45 წლის ქალი. გარდა ამისა, დაშავდა სამი მოხუცი ქალი და სამი წლის ბიჭი. ასევე, რუსეთის ჯარებმა კუპიანსკის რაიონის სოფელ დვურეჩნაიაზე სატანკო თავდასხმა განახორციელეს, რის შედეგადაც 70 და 73 წლის მამაკაცი და ქალი დაშავდნენ. ბოგოდუხოვსკის რაიონის სოფლების მოროზოვა დოლინასა და ლემიშჩინასთან უცნობმა ასაფეთქებელმა მოწყობილობამ მანქანა აფეთქდა, რომელშიც სამი შვილიანი ოჯახი იმყოფებოდა. დაიღუპა 37 წლის ქალი, დაშავდა მანქანის მძღოლი, ორი გოგონა და ბიჭი. ბიჭის მდგომარეობა მძიმეა. იზიუმსკის რაიონის სოფელ სულიგოვკასთან ტყეში 40 წლის მამაკაცი უცნობი ასაფეთქებელი მოწყობილობით აფეთქდა. მიყენებული ჭრილობების შედეგად ის ადგილზე გარდაიცვალა. ავტორი: ექსპრესნიუსი, ახალი სამაშველო ვერტმფრენი გერმანიიდან საქართველოში ჩამოიყვანეს
თავდაცვის მინისტრი საქართველოში ესტონეთის ელჩს შეხვდა
ნინო თანდილაშვილი - კლიმატის ცვლილება არ არის საზოგადოების ცალკეული ნაწილის გამოწვევა, ეს საყოველთაო პრობლემაა და მასთან გამკლავება ერთიან ძალისხმევას საჭიროებს
უკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 440 790-მდე რუსი ჯარისკაცი მოკლეს
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
ვიდეო/LIVE საქართველოს დამოუკიდებლობის დღე - პირდაპირი
|