2023-06-03 11:13:51, 545 ნახვა
მსოფლიო
ინდოეთში სარკინიგზო ავარიას, სულ მცირე, 288 ადამიანი ემსხვერპლა, ხოლო 1000-ზე მეტი დაშავდა
ინდოეთის ოდიშის შტატის ქალაქ ბალასორში ორი სამგზავრო და ერთი სატვირთო მატარებლის შეჯახების შედეგად სულ მცირე 288 ადამიანი დაიღუპა და 1000-ზე მეტი დაშავდა,- აღნიშნულის შესახებ ინფორმაციას CNN-ი ავრცელებს. გამოცემის ცნობით, შემთხვევის ადგილზე სამძებრო-სამაშველო ოპერაცია გრძელდება. ამასთან, სავარაუდოა, რომ დაღუპულთა რიცხვი კიდევ უფრო გაიზარდოს, ვინაიდან გადაბრუნებული ვაგონების ქვეშ უამრავი ადამიანია მოყოლილი. ოდიშას სახანძრო დეპარტამენტის უფროსი სუდანშუ სარანგიმ Associated Press-სთან საუბრისას აღნიშნა, რომ გასულ ღამეს მაშველებმა, სულ მცირე, 280 ცხედარი ამოიყვანეს. მისი თქმით, 800-ზე მეტი ადამიანი სხვადასხვა დაზიანებითაა ჰოსპიტალიზებული. ამასთან, ბევრ მათგანს სიცოცხლისთვის შეუთავსებელი დაზიანებები აღენიშნება. "საღამოს ათი საათისთვის ჩვენ შევძელით გადარჩენილების ამოყვანა. ამის შემდეგ უკვე საუბარი იყო მხოლოდ გვამების ამოყვანაზე. ეს ძალიან, ძალიან ტრაგიკულია, ჩემს პროფესიაში მსგავსი არაფერი მინახავს",- განაცხადა სარანგიმ. შეგახსენებთ, რომ გუშინ, ინდოეთის ქალაქ ბალასორში ავარია მოხდა, რომელშიც ორი სამგზავრო და ერთი სატვირთო მატარებელი მონაწილეობდა. ავტორი: ექსპრესნიუსი, რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
|
ომი უკრაინაშიხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
გერმანიამ უკრაინის სამხედრო დახმარების ახალი პაკეტი გამოაცხადა
ვიდეო/LIVE საქართველოს დამოუკიდებლობის დღე - პირდაპირი
|