უკრაინის შეიარაღებული ძალების მთავარსარდალი ვალერი ზალუჟნი აცხადებს, რომ რუსებმა კიევს 11 "ისკანდერის" რაკეტა ესროლეს.

როგორც ზალუჟნი Telegram-ზე წერს, უკრაინამ ყველა მათგანის ჩამოგდება მოახერხა.

"ერთ დღე-ღამეში მტერმა მეორედ განახორციელა სარაკეტო შეტევა უკრაინის ტერიტორიაზე. დაახლოებით, 11:30 საათზე, კიევს ბალისტიკური და საკრუიზო რაკეტებით შეუტიეს. ჩრდილოეთის მიმართულებიდან სულ 11 "ისკანდერის" რაკეტა იყო გასროლილი. ყველა სამიზნე განადგურდა საჰაერო თავდაცვის ძალებითა და საშუალებებით ",- წერს ზალუჟნი.

ცნობისთვის, რუსებმა კიევზე სარაკეტო თავდასხმა განახორციელეს. უკრაინული მედიის ცნობით, 11:00 საათის შემდეგ, დედაქალაქში საჰაერო განგაში გამოცხადდა. 11:20 საათზე კიევის ცენტრი აფეთქებების ხმა გაისმა. საჰაერო განგაში იყო ასევე გამოცხადებული ხარკოვსა და ჩერნიგოვში.

ავტორი: ექსპრესნიუსი,

სოციალური ქსელები

ცხინვალში ე.წ აჩევნებზე მარატ კამბოლოვი - 88,4% ლიდერობს

ზახაროვა: რუსეთისა და საქართველოს ხალხებს ერთმანეთი ენატრებათ

უკრაინაში საცხოვრებელ შენობებზე რუსეთის მიერ განხორციელებული ავიადარტყმების შედეგად ოთხი ადამიანი დაიღუპა

დააკავეს პირი, რომელმაც მაღაზიიდან კომპიუტერულ ტექნიკა მოიპარა