სასწრაფო სამედიცინო დახმარების განვითარების მიმართულებით, ერთ-ერთი მნიშვნელოვანი ნაბიჯი იყო პარამედიკოსის პროფესიის გაძლიერება. 2023 წელს, საქართველოს პარლამენტმა, მიიღო ორი კანონპროექტი და აღნიშნული ცვლილებების თანახმად, ჩამოყალიბდა პარამედიკოსის პროფესიის საკანონმდებლო საფუძველი. გაიზარდა პარამედიკოსის, როგორც გადაუდებელი სამედიცინო დახმარების მიმწოდებელი რგოლის მნიშვნელობა, - აღნიშნა პარლამენტში, „მინისტრის საათის“ ფორმატში სიტყვით გამოსვლისას ზურაბ აზარაშვილმა. 

ჯანდაცვის მინისტრის განცხადებით, ეფექტური გადაუდებელი სამედიცინო მომსახურების უზრუნველყოფისათვის, დაიწყო მოტომედიკოსის პროექტის განხორციელებაც. 

„შესაბამისად აღჭურვილი მოტო ტრანსპორტი შესყიდულია. ტრანსპორტი დაკომპლექტებულია გადამზადებული ექიმებითა და პარამედიკოსებით. სამედიცინო მოტოციკლებით ოპერატიულად ხორციელდება გამოძახებაზე გასვლა და სწრაფი და ეფექტური სამედიცინო დახმარების აღმოჩენა, როგორც სეზონურად, საკურორტო ზონებში, ისე - დედაქალაქში“, - აღნიშნა ზურაბ აზარაშვილმა. 

ამასთან, ჯანდაცვის მინისტრმა, პარამედიკოსის სპეციალიზაციის არსებულ კურსებზეც ისაუბრა. 

„საგანგებო სიტუაციების კოორდინაციისა და გადაუდებელი დახმარების ცენტრი, მსურველებს, სთავაზობს პარამედიკოსის სპეციალიზაციის კურსის გავლას, პარამედიკოსად დასაქმების მყარ გარანტიებს და ადეკვატურ სახელფასო ანაზღაურებას. ეს არის მნიშვნელოვანი შესაძლებლობა, რომელიც უნდა გამოიყენონ განსაკუთრებით ახალგაზრდებმა, რომლებიც, ამჟამად, იმყოფებიან პროფესიის შერჩევის პროცესში“, - განაცხადა ზურაბ აზარაშვილმა.

ავტორი: NS (სტატია დაფინანსებულია),

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა