პარლამენტის თავმჯდომარის, შალვა პაპუაშვილის განცხადებით, იუსტიციის უმაღლესი საბჭოს არამოსამართლე წევრებით დაკომპლექტების საკითხთან მიმართებით ჩანს, რომ ოპოზიცია კონსტრუქციული თანამშრომლობისთვის მზად არ არის.

მისი თქმით, ოპოზიცია ეძებს საბაბს იმისთვის, რომ ამ პროცესში კონსტრუქციული არ იყოს.

„იცით, რომ კანდიდატებთან გასაუბრება დეკემბერში დასრულდა. შემდეგ მათივე მოთხოვნით გადაიდო კენჭისყრა, ვინაიდან სრულად ჩამოყალიბებულიყვნენ კანდიდატებთან დაკავშირებით. ამის შემდეგ თვეები გავიდა და მათი მხრიდან პოზიცია დღემდე არ გვესმის. უმარტივესი კითხვა იყო დასმული, ვინ არიან ის კანდიდატები, ვისაც მხარს უჭერენ და დაასაბუთონ წერილობით, რატომ უჭერენ მხარს ამა თუ იმ კანდიდატს. რაც შეეხება იუსტიციის უმაღლესი საბჭოს დაკომპლექტებას, ეს არის ერთ-ერთი საკმაოდ მნიშვნელოვანი ინსტრუმენტი რეკომენდაციების შესრულებისთვის, რომ იუსტიციის საბჭო იყოს სრულად დაკომპლექტებული. აქაც ჩიხური მდგომარეობაა და ეს უსასრულოდ ვერ გაგრძელდება. მნიშვნელოვანია, რომ პარლამენტმა კენჭი უყაროს ამ კანდიდატებს და ვნახოთ, შევძლებთ თუ არა შეთანხმებას, იმიტომ, რომ ან უნდა შევთანხმდეთ კანდიდატებზე ან ხელახლა უნდა დაიწყოს ეს პროცესი, - განაცხადა პაპუაშვილმა.

მისი თქმით, მნიშვნელოვანია, რომ ოპოზიცია იყოს კონსტრუქციული.

„ოპოზიცია ყველგან აჩვენებს ერთადერთ რამეს, რომ არ არის მზად კონსტრუქციული თანამშრომლობისთვის“, - განაცხადა პაპუაშვილმა და აღნიშნა, რომ ასეთ პირობებში პროცესები ჩიხში ექცევა.

ავტორი: NS (სტატია დაფინანსებულია),

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა