გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი 10 წლის გახდა. აღნიშნულის შესახებ ინფორმაციას გარემოსდაცვითი ზედამხედველობის დეპარტამენტი ავრცელებს.

უწყების ცნობით, დეპარტამენტის უფროსმა, ლევან ჯღარკავამ, იუბილესთან დაკავშირებით, უწყების 10-წლიანი მუშაობა შეაფასა და იმ თანამშრომლებს, რომლებიც დეპარტამენტში 2013 წლიდან დღემდე მუშაობენ, გაწეული ერთგული სამსახურისთვის მადლობის სიგელები გადასცა. 

„დიდი მადლობა მინდა გადავუხადო თანამშრომლებს სამსახურებრივი მოვალეობის კეთილსინდისიერად შესრულებისთვის. განსაკუთრებული მადლობა მათ, ვინც გარემოს დაცვას 10 წელია ერთგულად ემსახურება. დეპარტამენტის ეფექტური და წარმატებული საქმიანობა, სწორედ ამ გუნდის კეთილსინდისიერი მუშაობის შედეგია. დარწმუნებული ვარ, ისინი მომავალშიც მაქსიმალურად ეფექტურად განახორციელებენ გარემოსდაცვით კონტროლს და თითოეულ სამართალდარღვევაზე შესაბამის რეაგირებას მოახდენენ“, - განაცხადა ლევან ჯღარკავამ.

„გარემოს დაცვისა  და სოფლის მეურნეობის სამინისტროს სახელმწიფო საქვეუწყებო დაწესებულება - გარემოსდაცვითი ზედამხედველობის დეპარტამენტი 2013 წელს შეიქმნა. დეპარტამენტი უზრუნველყოფს გარემოს დაცვისა და ბუნებრივი რესურსებით სარგებლობის სფეროში სახელმწიფო კონტროლის (გარდა სასარგებლო წიაღისეულის მოპოვების ლიცენზიის ან  წიაღით სარგებლობის ლიცენზიის პირობების შესრულების კონტროლისა) განხორციელებას საქართველოს მთელ ტერიტორიაზე, მათ შორის, მის ტერიტორიულ წყლებში, კონტინენტურ შელფსა და განსაკუთრებულ ეკონომიკურ ზონაში.

დეპარტამენტი საქმიანობას ახორციელებს ცენტრალურ აპარატში შემავალი სტრუქტურული ქვედანაყოფების, 8  რეგიონული სამმართველოსა და შავი ზღვის დაცვის კონვენციური სამმართველოს მეშვეობით. დღეის მდგომარეობით, დეპარტამენტის საშტატო რიცხოვნობა 854 ერთეულია.

დეპარტამენტის თანამშრომლები აქტიურად ახორციელებენ რეგულირების ობიექტების გეგმიურ და არაგეგმიურ ინსპექტირებას, პატრულირებისა და სწრაფი რეაგირების ეკიპაჟები კი, ქვეყნის მასშტაბით, 24 საათის განმავლობაში პატრულირებენ გარემოსდაცვითი სამართალდარღვევების გამოვლენის, აღკვეთისა და პრევენციის მიზნით.

გარემოსდაცვითი სახელმწიფო კონტროლის ეფექტურობის ამაღლებისთვის უმნიშვნელოვანესია გარემოსდაცვითი ზედამხედველობის დეპარტამენტის ტექნიკური შესაძლებლობების გაძლიერების პროცესი, რომლის ფარგლებშიც ხდება უწყების შესაბამისი თანამედროვე ტექნიკით აღჭურვა, თანამშრომლების პერიოდული გადამზადება და მათთვის სამუშაო პირობების გაუმჯობესება. უახლოეს მომავალში ქუთაისსა და თელავში ახალი რეგიონული ოფისების მშენებლობაა დაგეგმილი“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა