ბორჯომ-ხარაგაულის დაცულ ტერიტორიებზე გერმანიის რეკონსტრუქციისა და საკრედიტო ბანკის (KfW) ორგანიზებით, გერმანელ ჟურნალისტებს საინფორმაციო ტური ჩაუტარდათ. აღნიშნულის შესახებ ინფორმაციას დაცული ტერიტორიების სააგენტო ავრცელებს.

მათი ცნობით, შეხვედრას გერმანიის ელჩი საქართველოში ერნესტ პიტერ ფიშერი ესწრებოდა.

„გერმანული მედიის წარმომადგენლებმა ინფორმაცია მიიღეს ბორჯომ-ხარაგაულის დაცული ტერიტორიების საქმიანობის შესახებ, აგრეთვე იმ პროექტებსა და მიმდინარე გეგმებს გაეცნენ, რომელიც გერმანიის რეკონსტრუქციისა და საკრედიტო ბანკის (KfW) მიერ ხორციელდება საქართველოს დაცული ტერიტორიების, მათ შორის ბორჯომ-ხარაგაულის ეროვნული პარკის განვითარების მიმართულებით.

ბორჯომ-ხარაგაულის ეროვნული პარკის განვითარების პროექტი გერმანიის რეკონსტრუქციისა და საკრედიტო ბანკის (KfW) მხარდაჭერით განხორციელებული პირველი პრეცედენტია საქართველოს დაცულ ტერიტორიებზე, რომლის ფარგლებში მოეწყო როგორც ადმინისტრაციული შენობები, ისე ეკოტურისტული ინფრასტრუქტურა.

შეხვედრის დასასრულს, მონაწილეებმა ბორჯომ-ხარაგაულის ეროვნული პარკის ბილიკი მოინახულეს, სადაც პარკის ბიომრავალფეროვნებასა და მნიშვნელოვან სახეობებს გაეცნენ.

გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს გერმანიის ფედერაციულ რესპუბლიკასთან მრავალწლიანი წარმატებული თანამშრომლობის გამოცდილება აქვს. თანამშრომლობის ფარგლებში არაერთ ინიციატივას ჩაეყარა საფუძველი“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა