რუსეთსა და საქართველოს შორის ფრენები, შესაძლოა, 16 მაისიდან განახლდეს, - აღნიშნულის შესახებ რუსული მედია РБК-ი საკუთარ წყაროებზე დაყრდნობით წერს

მედიის ცნობით, მომავალი კვირიდან რუსული ავიაკომპანია Azimuth-ი და Georgian Airways-ი მოსკოვიდან თბილისის მიმართულებით ფრენების დაწყებას გეგმავენ. ხოლო ფრენები ფორმალური მოთხოვნების დაკმაყოფილების შემდეგ დაიწყება. 

"იმედია, უახლოეს ათ დღეში ფრენებს დავიწყებთ. ჩვენ პატარა კომპანია ვართ და ზარალზე მუშაობა არ შეგვიძლია, ამიტომ ვიმუშავებთ, რომ ეს მიმართულება განვავითაროთ", - განაცხადა Georgian Airlines Group-ის პრეზიდენტმა თამაზ გაიაშვილმა, მედიასთან საუბრისას.

ამასთან, როგორც РБК-ს თბილისის აეროპორტის ხელმძღვანელმა, TAV Airports-ის კორპორაციული კომუნიკაციების დირექტორმა ერჰან უსტუნდაგმა უთხრა, ორივე ავიაკომპანიამ თბილისის აეროპორტს რუსეთიდან ფრენების შესახებ უკვე შეატყობინა. 

РБК-ის წყაროების ცნობითვე, Azimuth-ი თბილისში ფრენას კვირაში ექვსჯერ გეგმავს. 

მედიის ცნობითვე, Georgian Airways-ი თბილისსა და მოსკოვს შორის ფრენების ბილეთების გაყიდვის დაწყებას მომავალი კვირის დასაწყისში განიხილავს.

"რუსული ავიაკომპანია, Azimuth-ი Superjet-ის თვითმფრინავით იფრენს, რადგან ის ეკუთვნის რუსულ სალიზინგო კომპანიებს და არ ექვემდებარება სანქციებს, რომელიც უცხოეთის აეროპორტებში მომსახურებას კრძალავს. საჰაერო ტრანსპორტის ფედერალური სააგენტოს მონაცემებით, Azimuth-ს მოსკოვი-თბილისის ხაზზე კვირაში შვიდი ფრენისთვის დროებითი ნებართვა აქვს",- წერს მმედია.

ცნობისთვის, 10 მაისს რუსეთის პრეზიდენტმა, ვლადიმერ პუტინმა რუსული ავიახაზებისთვის საქართველოსთან ფრენის აკრძალვა გააუქმა. საქართველოს მოქალაქეებისთვის ასევე გაუქმდა სავიზო რეჟიმი. ოფიციალურ პორტალზე გამოქვეყნებული განკარგულების თანახმად, გადაწყვეტილება ძალაში 2023 წლის 15 მაისიდან შევა. კიდევ ერთი გადაწყვეტილება, რომლის შესახებაც რუსეთმა გუშინ განაცხადა, „საქართველოში მოგზაურობისგან თავის შეკავების რეკომენდაციის“ გაუქმებას ეხება.

ავტორი: ექსპრესნიუსი,

სოციალური ქსელები

საქართველოს ბანკის მხარდაჭერით, საზღვაო და ლოგისტიკის სექტორის წარმომადგენელი ქალებისთვის ლიდერობის პროგრამა გაიმართა

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი