საქართველო ერთ-ერთი მოწინავე ქვეყანაა, არა მხოლოდ რეგიონში, არამედ ევროპის კონტინენტზეც, საგადასახადო და საბაჟო ადმინისტრირების მიმართულებით და უშუალოდ სანქციების აღსრულებასთან დაკავშირებით, - ამის შესახებ ფინანსთა მინისტრმა, ლაშა ხუციშვილმა სანქციების აღსრულებასთან დაკავშირებით მედიის მიერ დასმული შეკითხვების საპასუხოდ განაცხადა.

მინისტრის თქმით, წელიწადზე მეტია, ვრცელდება ყალბი ინფორმაციები და უსაფუძვლო ბრალდებები საქართველოს მიერ სანქციების აღსრულების პროცესთან დაკავშრებით, თუმცა არ დადებულა სანქციების დარღვევის დამადასტურებელი არც ერთი ფაქტი.

„სანქციების აღსრულებასთან დაკავშირებით, გასულ ერთ წელზე მეტი ხნის განმავლობაში, თქვენ ნახავდით საქართველოს ფინანსთა სამინისტროსა და მის დაქვემდებარებაში მყოფი უწყებების ათობით განცხადებას იმ უსაფუძვლო ბრალდებებზე, რომელიც კონკრეტულად უწყების მიმართულებით და ვიტყოდი ქვეყნის საწინააღმდეგოდ გაჟღერდა. კიდევ ერთხელ ვიტყვი, რომ ჩვენ არაფერი გვინახავს ამ პერიოდში ყალბი ინფორმაციებისა და უსაფუძვლო ბრალდებების გარდა. არ გვინახავს არც ერთი მტკიცებულება ან რამე ფაქტი, რის გამოც, შესაძლებელია, ეჭვი გასჩენოდა ვინმეს, რომ საერთაშორისო სანქციების აღსრულება საქართველოში ჯეროვნად არ მიმდინარეობს.

ამავე დროს, ჩვენ მოსმენილი გვაქვს, როგორც ამერიკული მხარის, ისე ევროკავშირის და ელჩების დონეზე გაკეთებული განცხადებები, რომ არც ერთი შემთხვევა საქართველოში, რომ ვინმემ სანქციების გვერდის ავლა შეძლო - არ მომხდარა. პარალელურად, შეგვიძლია გადავხედოთ გასული ერთი წლის განმავლობაში პერიოდს და ვნახოთ 50-70-ზე მეტი განცხადება, რომლის გავრცელებაც მოგვიწია.

სამწუხაროა, რომ ყოველი ასეთი ფაქტის გავრცელების წინ, პრაქტიკულად არც ერთხელ არ მომხდარა ინფორმაციის გადამოწმება შესაბამის უწყებასთან, ვინც სანქციების აღსრულებაზეა პასუხისმგებელი სავაჭრო ნაწილში", - თქვა ლაშა ხუციშვილმა.

მისი თქმით, უწყება გახსნილია და  ყველა დაინტერსებულ პირს ნებისმიერ ოპერაციასა და  ტრანზაქციაზე შეუძლია მიიღოს ახსნა-განმარტება შესაბამისი კონფედენციალური პირობების დაცვით.

„ბუნებრივია, საქართველოსთან მიმართებით, შესაძლოა, არსებობდეს უფრო მეტი ყურადღება გამომდინარე იქიდან, რომ რუსეთის მოსაზღვრე ქვეყანა ვართ და  საქართველოს გავლით რუსეთს სახმელეთო საზღვარი აკავშირებს კიდევ ორ ქვეყანასთან. თუმცა, ის ქმედებები, რომელიც საქართველომ გადადგა ამ მიმართულებით არ ტოვებს  არცერთი შეკითხვის შესაძლებლობას. გასაგებია თეორიული მსჯელობები ამა თუ იმ თემაზე. თუმცა, მნიშვნელოვანია ის მექანიზმები და პრაქტიკული აღსრულება, რაც ფიზიკურად ხორციელდება", - აღნიშნა ხუციშვილმა.

მან კიდევ ერთხელ მოუწოდა ყველას, განსაკუთრებით მედიასაშუალებებს, ნებისმიერი ინფორმაცია გავრცელებამდე გადამოწმდეს შესაბამის კომპეტენტურ სამსახურებთან.

ავტორი: ექსპრესნიუსი,

სოციალური ქსელები

საქართველოს ბანკმა, Visa-სთან თანამშრომლობით, ახალი სუპერ PLUS Visa ბარათი შექმნა

ალეკო ელისაშვილი - პენიტენციური იტყუება, 2 ოქტომბერს ინგრეოდა და ზანზარებდა ციხე, ილეწებოდა შუშები

კობახიძე - პენიტენციური სამსახურის მიერ გავრცელებული კადრებში ჩანს, რომ პენიტენციური უწყება მოქმედებდა სტანდარტებისა და პროპორციულობის პრინციპის შესაბამისად

კობახიძე - ციხეებში ვერავითარი აჟიოტაჟი ვერ შექმნეს - ვითარება ბოლომდე კონტროლის ქვეშაა