2023-05-08 09:38:11, 1102 ნახვა
მსოფლიო
ტეხასში, მიგრანტების თავშესაფართან ავტომობილი ხალხის ჯგუფს შეეჯახა - დაღუპულია 8 ადამიანი
ამერიკის შეერთებულ შტატებში, ტეხასის შტატში, ავტობუსის გაჩერებაზე ავტომანქანა ხალხის ჯგუფს შეეჯახა. აღნიშნულ ინფორმაციას BBC ავრცელებს.
მედიის ცნობით, მექსიკის საზღვართან მდებარე ქალაქ ბრაუნსვილში, მიგრანტთა თავშესაფრის სიახლოვეს მომხდარ შემთხვევას 8 ადამიანის სიცოცხლე ემსხვერპლა.
დაშავებულია, სულ მცირე, 5 პირი, მათგან ზოგიერთის მდგომარეობა მძიმეა.
როგორც BBC წერს, ინციდენტში მონაწილე მძღოლი დაკავებულია, მას ბრალი უკვე წაუყენეს.
ბრაუნსვილის პოლიციის თქმით, ამ დროისთვის უცნობია, იყო თუ არა ეს მიზანმიმართული თავდასხმა.
ავტორი: ექსპრესნიუსი,
epn.ge (@expressnews.ge)
