2023-05-08 09:25:26, 1010 ნახვა
მსოფლიო
პერუში, მაღაროში გაჩენილ ხანძარს, სულ მცირე, 27 ადამიანი ემსხვერპლა
პერუში, არეკიპას რეგიონის სამხრეთით მდებარე ოქროს მაღაროში ხანძრის შედეგად, სულ მცირე, 27 ადამიანი დაიღუპა. აღნიშნულ ინფორმაციას BBC ავრცელებს.
მაღაროების კომპანია Yanaquihua-მ განაცხადა, რომ 175 ადამიანის გადარჩენა შეძლეს.
ოფიციალური პირების თქმით, ხანძრის გაჩენის დროს, მაღაროელები მინიმუმ 80-100 მეტრამდე ზედაპირზე მუშაობდნენ.
ვარაუდობენ, რომ ხანძარი მოკლე ჩართვამ გამოიწვია.
პერუ მსოფლიოში ერთ-ერთი უმსხვილესი ოქროს მწარმოებელი ქვეყანაა, რომელიც წელიწადში 100 ტონაზე მეტ ოქროს ანუ მთელი მსოფლიოს წლიური მარაგის, დაახლოებით, 4%-ს მოიპოვებს.
ავტორი: ექსპრესნიუსი,
epn.ge (@expressnews.ge)
