შენობაში ვფლობ 25%-ს და ჩემი ეს წილი არის რეალიზებული მეორე სართულზე სასტუმროში, შესაბამისად, სხვა ფართებთან შეხება საერთოდ არ და ვერ მაქვს,- ამის შესახებ გიორგი ვაშაძის ძმამ, დავით ვაშაძემ განაცხადა მას შემდეგ, რაც თბილისში, აღმაშენებლის N75-ში, სავარაუდოდ, ე.წ. ქოლცენტრებთან დაკავშირებით საგამოძიებო მოქმედებები ჩატარდა. 

მისი თქმით, ე.წ. ქოლცენტრის არსებობის შესახებ ინფორმაციას არ ფლობს.

„ამ შენობაში მე ვფლობ 25%-ს და ჩემი ეს წილი არის რეალიზებული მეორე სართულზე სასტუმროში, რომელიც არის ჩემს საკუთრებაში 100%-ით, შპს „თბილისი თაიმსი“ ჩემი კომპანიაა, რომელიც დაახლოებით, 7 წელია მაქვს, სხვა ფართებთან შეხება საერთოდ არ და ვერ მაქვს. ასეთი გადანაწილებაა, პასუხისმგებელი ვარ მხოლოდ იმაზე, რაც მე მეკუთვის.

ინფორმაცია არ მქონდა და როდესაც მე მიწევდა აქ ყოფნა, საერთოდ არც ვიცოდი თუ ზემოთ გახსნილი იყო რამე [ ე.წ ქოლცენტრი]. ფართების გაქირავებასთან დაკავშირებით გადაწყვეტილებას იღებს კომპანიის დირექტორი“,- განაცხადა დავით ვაშაძემ „მთავარ არხთან“ საუბრისას.

შეგახსენებთ, რომ თბილისში, აღმაშენებლის გამზირის N75-ში, სავარაუდოდ, ე.წ. ქოლცენტრებთან დაკავშირებით საგამოძიებო მოქმედებები ჩატარდა.

საზოგადოებრივი მაუწყებლის ცნობით, ამ დროისთვის დალუქულია ოფისი, საიდანაც სამართალდამცველებმა ნივთმტკიცებები, მათ შორის კომპიუტერული ტექნიკა ამოიღეს.

ავტორი: ექსპრესნიუსი,

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს