ნაძალადევის რაიონში, ნოსტეს I შესახვევში გრუნტის დამჭერი საყრდენი კედლის მშენებლობა და საგზაო ინფრასტრუქტურის მოწესრიგება დასრულდა. აღნიშნულის შესახებ ინფორმაციას თბილისის მერია ავრცელებს.

უწყების ცნობით, პროექტის ფარგლებში, 34 მ სიგრძის გრუნტის დამჭერი კედელი აშენდა, უსაფრთხოების მოაჯირი დამონტაჟდა და ასევე, გზის საფარი 850 კვ.მ ფართობზე მოწესრიგდა. ტერიტორიის ერთ ნაწილზე ასფალტის საფარი დაიგო, გარკვეულ მონაკვეთზე კი, ბეტონის გზა მოეწყო.

შესრულებულ სამუშაოებს ნაძალადევის რაიონის გამგებელი ირაკლი ანდღულაძე თბილისის საკრებულოს მაჟორიტარ დეპუტატ ირაკლი ხელაძესთან ერთად გაეცნო და ადგილობრივ მცხოვრებლებს შეხვდა.

„ნოსტეს I შესახვევში გზის სავალი ნაწილი ჩამოიშალა, რის გამოც აუცილებელი გახდა საყრდენი კედლის მშენებლობა. მიმდებარე ტერიტორიაზე გრუნტიანი გზა იყო, რის გამოც მოსახლეობას გადაადგილება უძნელდებოდა, განსაკუთრებით ნალექიანი ამინდის დროს. ამ პროექტით ინფრასტრუქტურული პრობლემები აღმოიფხვრა, მოსახლეობის საცხოვრებელი გარემო გაუმჯობესდა და უსაფრთხო გახდა“, - განაცხადა ირაკლი ანდღულაძემ.

ინფრასტრუქტურული სამუშაოებისთვის ნაძალადევის რაიონის გამგეობამ ბიუჯეტიდან ჯამში 175 328 ლარი დახარჯა.

ავტორი: NS (სტატია დაფინანსებულია),

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს