NATO უფრო ძლიერია, როდესაც ერთი ხმით საუბრობს, - ამის შესახებ ფინეთის პრეზიდენტმა, საული ნიინისტემ უკრაინის პრეზიდენტ ვოლოდიმირ ზელენსკისთან პრესკონფერენციისას განაცხადა.

მისივე თქმით, NATO-მ 2008 წელს, ბუქარესტში მიიღო გადაწყვეტილება უკრაინასთან და საქართველოსთან დაკავშირებით, სხვა ძირითადი ელემენტი კი ღია კარის პოლიტიკაა, ძალიან მნიშვნელოვანია, რომ ვილნიუსში NATO-ს წევრმა ყველა ქვეყანამ ამასთან დაკავშირებით ერთხმად ისაუბროს.

“ძირითადი ელემენტი აქ ისაა, რომ NATO-მ 2008 წელს, ბუქარესტში მიიღო გადაწყვეტილება უკრაინასთან და საქართველოსთან დაკავშირებით. სხვა ძირითადი ელემენტი კი ღია კარის პოლიტიკაა, რომელიც მკაფიოდ გაცხადებულია. ძალიან მნიშვნელოვანია, რომ ვილნიუსში NATO-ს წევრმა ყველა ქვეყანამ ამასთან დაკავშირებით ერთი ხმით ისაუბროს. ეს ყველაზე მნიშვნელოვანია, რადგან ჩვენ მოვისმინეთ სხვადასხვა პოზიცია. მაგალითად, ჩვენი და შვედეთის წევრობასთან დაკავშირებით. NATO უფრო ძლიერია, როდესაც ერთი ხმით საუბრობს და სწორედ ეს უნდა განვიხილოთ ვილნიუსის სამიტამდე”, - განაცხადა ფინეთის პრეზიდენტმა.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან