2023-05-03 16:15:31, 954 ნახვა
საზოგადოება
პრეზიდენტის რეზიდენციასთან ნიკა გვარამიას სოლიდარობის აქცია იმართება
საქართველოს პრეზიდენტის რეზიდენციასთან „მთავარი არხის" დამფუძნებლის, ნიკა გვარამიას სოლიდარობის აქცია მიმდინარეობს.
ათონელის რეზიდენციასთან "ნიკა გვრამიას გათავისუფლების მოძრაობის" წევრები, მედიასაშუალებებისა და არასამთავრობო ორგანიზაციების წარმომადგენლები და პოლიტიკოსები არიან შეკრებილი.
პრეზიდენტის სასახლესთან შეკრებილები ნიკა გვარამიას პატიმრობიდან გათავისუფლებას მოითხოვენ.
"აქ ვდგავართ მედიამენეჯერის გათავისუფლების მოთხოვნით. მოვუწოდებთ პრეზიდენტს, რომ გამოიყენოს მის ხელთ არსებული უფლებამოსილება და მოაწეროს შეწყალების აქტს ხელი",- უთხრა "მთავარ არხს" აქციაზე მყოფმა "პუბლიკას" დირექტორმა, ზურა ვარდიაშვილმა.
ავტორი: ექსპრესნიუსი,
epn.ge (@expressnews.ge)
