"ერთიანი ნაციონალური მოძრაობის" თავმჯდომარის, ლევან ხაბეიშვილის განცხადებით, 2020 წელს გარდაცვლილი თამარ ბაჩალიაშვილის საქმეზე გამოძიება თავიდან უნდა დაიწყოს და მისი გარდაცვალების რეალური მიზეზი დადგინდეს.

როგორც ლევან ხაბეიშვილმა დღეს გამართულ ბრიფინგზე თქვა, გუშინ, საქმის გამომძიებელმა ფაქტობრივად, მისცა ჩვენება, რომ თამარ ბაჩალიაშვილი მოკლეს.

"რუსული ოცნება" მიეჩვია ახალგაზრდების დევნას, მათ მკვლელობას, შემდეგ ხელების დაბანას და იმის თქმას, ჩვენ არაფერ შუაში ვართო. არადა, საზოგადოებამ კარგად იცის, რომ უკანასკნელი წლებია "რუსული ოცნება" ახალგაზრდებს კლავს. გუშინდელმა დღემ ეს კიდევ ერთხელ ნათლად დაადასტურა, როცა ამ საქმის გამომძიებელმა, ფაქტობრივად, მისცა ჩვენება, რომ თამარ ბაჩალიაშვილი არის მოკლული, რომ ამ საქმეზე იყო მაღალი თანამდებობის პირების ინტერესი და ამის გამო გამოძიება სრულყოფილად არ ჩატარებულა. მან ისაუბრა კონკრეტულ მტკიცებულებებზე, რომ გამოძიების პირობებში იყო ზეწოლა, მითითებები, რა კითხვები უნდა დაესვათ კონკრეტული ადამიანებისთვის და საგამოძიებო მოქმედებები როგორ უნდა ეწარმოებინათ. ეს არის კიდევ ერთი ნათელი დადასტურება იმისა, რომ "რუსული ოცნება" კლავს ისე, რომ მერე ამ საქმეებს არათუ თაროზე შემოდებს ან ამბობს, რომ რამე ვერ გამოიძიეს, არამედ შემოგვასაღებენ, თითქოს საქმე გახსნილია, ყველაფერი კარგად არის და დამნაშავე არავინ ყოფილა",- განაცხადა ხაბეიშვილმა.

მისი თქმით, საქმის გამომძიებელმა განაცხადა ისიც, რომ თამარ ბაჩალიაშვილის საქმე ე.წ. ქოლცენტრებს უკავშირდება.

"თამარ ბაჩალიაშვილის საქმეზე აუცილებელია ხელახლა დაიწყოს გამოძიება იმიტომ, რომ გუშინ ფაქტობრივად, ახალ გარემოებებზე მიუთითა ამ საქმის გამომძიებელმა. ყველამ კარგად უნდა იცოდეს, რომ თამარ ბაჩალიაშვილის ოჯახს სჭირდება მხარდაჭერა და ჩვენ ყველანაირად უნდა ვეცადოთ, მკვლელები დაისაჯონ. სამწუხაროდ, მკვლელები არიან მაღალ თანამდებობებზე მოკალათებული როგორც სუს-ში, ასევე პროკურატურასა და შსს-ში", - განაცხადა ხაბეიშვილმა.

ცნობისთვის, „შაბათის ფორმულასთან“ ინტერვიუში გარდაცვლილი თამარ ბაჩალიაშვილის საქმის ყოფილმა გამომძიებელმა, სერგო შუბითიძემ განაცხადა, რომ აღნიშნულ საქმესთან დაკავშირებით, ბევრი საეჭვო გარემოებაა. 

შუბითიძეს ბაჩალიაშვილის თვითმკვლელობის ვერსიის არ სჯერა და ამბობს, რომ საქმე, შესაძლოა, გაყალბებული იყოს. 

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს