ურთიერთობების გადახედვაზე შეიძლება ჩვენ მეტი ვილაპარაკოთ,- ასე ეხმაურება "ქართული ოცნების" აღმასრულებელი მდივანი მამუკა მდინარაძე ინფორმაციას, რომლის მიხედვითაც, „ქართული ოცნება“, შესაძლოა, "ევროპელ სოციალისტთა“ პარტიული ოჯახიდან გარიცხონ.

მდინარაძის განცხადებით, იმ კონფერენციაში მონაწილეობისთვის, რომელიც ოჯახის სიწმინდესა და ეროვნულ იდენტობას ეხება, რომელიმე ჯგუფიდან გარიცხვის საკითხი დღის წესრიგში არ უნდა დგებოდეს.

"თუკი, რომელიმე პოლიტიკური ჯგუფიდან ვინმე უნდა ალაპარაკდეს ჩვენი გარიცხვის საკითხზე, მხოლოდ და მხოლოდ იმის გამო, რომ საქართველომ შეიძლება მონაწილეობა მიიღოს იმ კონფერენციაში, სადაც საკითხი დგას - ოჯახის სიწმინდეზე, ეროვნულ იდენტობაზე და მსგავს ღირებულებებზე და ამას ეძღვნება კონფერენცია და ამის გამო თუ ვიღაცამ უნდა დააყენოს საკითხი, რომ უნდა გაირიცხოს, რადგან ამ ღირებულებებთან დაკავშირებულ ღონისძიებაში იღებს მონაწილეობას "ქართული ოცნება", ურთიერთობების გადახედვაზე შეიძლება ჩვენ მეტი ვილაპარაკოთ",- ამბობს მდინარაძე.

ცნობისთვის, მედიაში გავრცელებული ინფორმაციით, "ევროპელი სოციალისტების პარტია" (PES) პრემიერ-მინისტრ ირაკლი ღარიბაშვილის უნგრეთში კონსერვატორთა საერთაშორისო კონფერენციაზე მიიწვევის პარალელურად, საკუთარი რიგებიდან "ქართული ოცნების" გარიცხვის საკითხს განიხილავს. 

აღსანიშნავია, რომ საქართველოს მთავრობის მეთაური კონფერენციაზე სპკერების ჩამონათვალშია მოხსენიებული. CPAC-უნგრეთის ვებგვერდზე გამოქვეყნებული ინფორმაციის მიხედვით, წლევანდელი კონფერენციის დევიზია „ერთად ძლიერები ვართ“. წინა ღონისძიება ორიენტირებული „ღმერთის, სამშობლოს, ოჯახის“ ღირებულებებზე იყო.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს