ქართული სიმართლე ყოველდღიურად მტკიცდება, - ასე ეხმაურება გენერალი მამუკა ყურაშვილი 2008 წლის აგვისტოს ომის საქმეზე სტრასბურგის სასამართლოს გადაწყვეტილებას.

ყურაშვილის განცხადებით, რუსეთის ფედერაციის პირველი მსხვერპლი საქართველო იყო, მეორე კი უკრაინაა.

"სამწუხაროდ, ძალიან დიდი დრო დასჭირდა ამ ყველაფერს. ქართული სიმართლე ყოველდღიურად მტკიცდება. სტრასბურგის გადაწყვეტილებამ, ჰააგის გადაწყვეტილებამ ეს დაამტკიცა. რასაკვირველია, ძალიან სასიამოვნო ფაქტია იმასთან მიმართებაში, რომ ერთხელ და სამუდამოდ, დამნაშავე მხარე გამოიკვეთა, ტერორისტი მხარე, რომელსაც არანაირი ფასეულობები არ აქვს. მინიმალური შეფასება - კიდევ ერთი ნაბიჯია, რომელიც ხაზს უსვამს, რომ პირველი მსხვერპლი იყო საქართველო ამ ყველაფრის და უკრაინა არის ამის გაგრძელება", - განაცხადა მამუკა ყურაშვილმა "მთავარ არხთან" საუბრისას.

შეგახსენებთ, სტრასბურგის ადამიანის უფლებათა ევროპულმა სასამართლომ საქმეზე „საქართველო რუსეთის წინააღმდეგ“ (II), რომელიც 2008 წლის აგვისტოს ომს ეხებოდა, რუსეთის ფედერაცია გაამტყუნა.

სტრასბურგის სასამართლომ რუსეთს საქართველოსთვის  129 827 500 ევროს გადახდა დააკისრა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს