ევროპარლამენტარი ვიოლა ფონ კრამონი მიმართავს ევროპელ სოციალ დემოკრატების პარტიას, სადაც კითხულობს რამდენად სწორი ალიანსია, საქართველოს პრემიერ-მინისტრის ირაკლი ღარიბაშვილის უნგრეთში დაგეგმილ კონსერვატორთა საერთაშორისო კონფერენციაზე სპიკერებს შორის გამოსვლა.

"თქვენი პარტნიორი "ქართული ოცნების" პარტია აწარმოებს კამპანიას ულტრამემარჯვენე სტივ ბანონ კემპთან და სხვებთან ერთად უნგრეთში. დარწმუნებული ხართ, რომ ეს არის სწორი ალიანსი "პროგრესული" პარტიისთვის?" - წერს თავის "ტვიტერზე" კრამონი.

საქართველოს პრემიერ-მინისტრი ირაკლი ღარიბაშვილი, 4-5 მაისს, უნგრეთში დაგეგმილ კონსერვატორთა საერთაშორისო კონფერენციაზე მიიწვიეს. მთავრობის მეთაური ღონისძიების სპკერების ჩამონათვალშია მოხსენიებული.

CPAC-უნგრეთის ვებგვერდზე გამოქვეყნებული ინფორმაციის მიხედვით, წლევანდელი კონფერენციის დევიზია „ერთად ძლიერები ვართ“.

ევროპის სოციალისტური პარტია ევროკავშირის პარლამენტში წარმოდგენილია სოციალისტებისა და დემოკრატების პროგრესული ალიანსის სახით (S&D). ევროპის სოციალ-დემოკრატიული, სოციალისტური და ლეიბორისტული პარტიები და ორგანიზაციები ერთიანდებიან საერთაშორისო ქსელ “პროგრესულ ალიანსში”, რომელიც დღესდღეობით მსოფლიოს მასშტაბით 130-ზე მეტ ორგანიზაციას აერთიანებს. “ქართული ოცნება – დემოკრატიული საქართველო” ალიანსის წევრია.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს