უკრაინის თავდაცვის სამინისტროს ცნობით, სუდანიდან უკრაინის 87 მოქალაქესთან ერთად, საქართველოსა და პერუს მოქალაქეების ევაკუციაც განახორციელეს. 

თავდაცვის უწყების მიერ გარცელებული ინფორმაციის თანახმად, სულ 138 მოქალაქის ევაკუაცია განხორციელდა, მათ შორის 35 ქალი და 12 ბავშვი იყო. 

უწყებაში ამბობენ, რომ ყველა ევაკუირებული უსაფრთხო ადგილას, ეგვიპტეში იმყოფება.

ცნობისთვის, დღეს, 25 აპრილს საქართველოს საგარეო საქმეთა სამინისტრომ გაავრცელა ინფორმაცია, რომლის მიხედვითაც, საქართველოს მოქალაქეების სუდანიდან ევაკუაციის პირველი ეტაპი დასრულდა.

საგარეო უწყების ინფორმაციით, საქართველოს მოქალაქეები, რომლებიც სუდანის დედაქალაქ ხართუმში იმყოფებოდნენ, ნეიტრალურ ზონაში, სუდან-ეგვიპტის საზღვარზე გადაიყვანეს.

საქართველოს 35-მდე მოქალაქე სუდანის დატოვებას მას შემდეგ ვერ ახერხებდა, რაც 15 აპრილს, ქვეყნის არმიასა და სამხედრო დაჯგუფების, „სწრაფი მხარდაჭერის ძალების“ მებრძოლებს შორის დაპირისპირება დაიწყო.

18 აპრილს დაპირისპირებული მხარეები 24 საათის განმავლობაში ცეცხლის შეწყვეტაზე შეთანხმდნენ, თუმცა ზავი დაირღვა.

ცეცხლის შეწყვეტის შესახებ ზავი 21 აპრილს მეორედ დაიდო. დაპირისპირებული მხარეები 72 საათის განმავლობაში ცეცხლის შეწყვეტაზე იყვნენ შეთანხმებული.

აღსანიშნავია, რომ ამერიკის შეერთებული შტატების სახელმწიფო დეპარტამენტმა გაარცელა ინფორმაცია, რომ დაპირისპირებულმა მხარეებმა კიდევ ერთ შეთანხმებას მიაღწიეს. ოფიციალური განცხადების მიხედვით, სუდანის შეიარაღებული ძალები და გასამხედროებული „სწრაფი მხარდაჭერის ძალები“ 72 საათით ცეცხლის შეწყვეტაზე შეთანხმდნენ​.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება